پانی کا بحران دہلی کی بیشتر کالونیوں کے رہائشیوں کےلئے زندگی کو ناقابل برداشت بنا رہا ہے

نئی دہلی، 23 مئی(میرا وطن نیوز )
دہلی پردیش کانگریس کمیٹی کے صدر دیویندر یادو نے کہا کہ شدید گرمی کی وجہ سے ریکارڈ توڑ درجہ حرار ت کے درمیان، بی جے پی کی قیادت والی ریکھا گپتا سرکار اور دہلی جل بورڈ راجدھانی کے بیشتر حصو ں کے رہائشیوں کے لیے پانی کی دستیابی کو یقینی بنانے میں بالکل غیر موثر ثابت ہوئے ہیں۔ انتظامیہ واٹر ٹینکرز کے ذریعے عوام کی ضروریات کو پورا کرنے میں ناکام رہی ہے جس کی وجہ سے لوگ اپنی رو زمرہ کی بنیادی ضروریات کے لیے بھی پانی خریدنے پر مجبور ہیں۔ انہوں نے بتایا کہ بڑی رہائشی کالو نیو ں کے مکینوں کے ساتھ ساتھ جے جے کلسٹرز، نو آباد کالونیوں، غیر مجاز کالونیوں، کچی آبادیوں اور اسکواٹر بستیوں میں رہنے والے اس سال بھی پانی کے شدید بحران سے دوچار ہیں، جیسا کہ وہ ہر سال شدید گرمی کے دوران کرتے ہیں۔
اس موقع پر دیویندر یادو نے روشنی ڈالی کہ کئی علاقوں میں بشمول جنوبی دہلی میں دکشن پوری، اور مشرقی دہلی میں دلشاد گارڈن میں جی ٹی بی انکلیو (سیماپوری اسمبلی حلقہ کے اندر) – گزشتہ کئی ہفتوں سے مکینو ں کے گھروں کو پانی کی سپلائی مکمل طور پر منقطع ہے۔ مکینوں کا کہنا ہے کہ گزشتہ ایک ماہ کے دوران اس شدید گرمی میں کئی دن ایسے گزرے ہیں جب انہیں پینے کے لیے بھی پانی نہیں ملا، نہانے کے لیے تو چھوڑ دیں۔ انہوں نے کہا کہ سرکار کی ناکامی کی وجہ سے زیادہ تر خاندان اپنی روزمرہ کی ضروریات پور ی کرنے کے لیے بوتل بند پانی خریدنے پر مجبور ہیں۔ ڈی جے بی اس شدید گرمی کی لہر کے درمیان عوام کو پانی فراہم کرنے میں ناکام ثابت ہوا ہے