ریٹائرڈ آئی اے ایس افسر ایس سی ایل داس نے ڈی ای آر سی کے چیئرمین کا حلف اٹھایا

نئی دہلی، 10 ستمبر (میرا وطن نیوز )
وزیرتوانائی آشیش سود نے جمعرات ریٹائرڈ آئی اے ایس افسر ایس سی ایل داس کو دہلی الیکٹریسٹی ریگو لیٹری کمیشن (ڈی ای آر سی ) کے چیئرمین کے طور پر عہدے اور رازداری کا حلف دلایا۔ اس موقع پر داس نے اپنے عہدے اور رازداری کا حلف اٹھایا۔
اس موقع پر آشیش سود نے ایس سی ایل داس کو ان کی نئی ذمہ داری کے لیے نیک خواہشات کا اظہار کیا اور امید ظاہر کی کہ دہلی کا شعبہ بجلی ان کے وسیع انتظامی تجربے سے مستفید ہوگا۔انہوں نے کہا کہ دہلی سرکار شعبہ بجلی میں شفافیت، احتساب اور صارفین کے مفادات کو اولین ترجیح دیتی ہے۔ ایس سی ایل داس کا تجربہ اور انتظامی بصیرت دہلی الیکٹریسٹی ریگولیٹری کمیشن کو مزید موثر بنانے میں مددگار ثابت ہوگی۔
ڈی ای آر سی، دہلی میں شعبہ بجلی کو منظم کرنے، صارفین کے مفادات کے تحفظ اور بجلی کی تقسیم سے متعلق اہم معاملات کی نگرانی میں کلیدی کردار ادا کرتا ہے۔آشیش سود نے اعتماد کا اظہار کیا کہ شری داس اپنے تجربے اور مہارت کو بروئے کار لاتے ہوئے کمیشن کی ذمہ داریوں کو مو ¿ثر طریقے سے انجام دیں گے۔