جن نائک راہل گاندھی کے یوم پیدائش کو حقیقی معنوں میں متاثر کن بنانے کےلئے ریاستی دفتر میں میٹنگ

نئی دہلی، 11 جون(میرا وطن نیوز )
’جن نائک‘اور قائد حزب اختلاف راہل گاندھی کے یوم پیدائش کے موقع کو حقیقی معنوں میں متاثر کن بنانے کے لئے دہلی کانگریس اور یوتھ کانگریس تالکٹورا اسٹیڈیم میں مشترکہ میگا جاب فیئر کے کامیاب انعقاد اور تیاریوں کو لے کر جمعرات کو ریاستی کانگریس صدر دیویندر یادو نے تمام 14 ضلع کانگریس صدور اور 258 بلاک صدور کی موجودگی میں ایک اہم میٹنگ کی ۔
اس موقع پر دیویندر یادو نے کہا کہ دہلی بھر کے 50ہزارنوجوانوں تک پہنچنا اس بات کو یقینی بنانے کے لیے ضروری ہے کہ 14 سے 15ہزار بے روزگار نوجوان درحقیقت میگا جاب فیئر میں شرکت کریں۔ 19 جون کے ایونٹ میں 150 سے زائد معروف کمپنیاں شرکت کریں گی۔ اس کے برعکس، گزشتہ سال منعقد ہونے والے میگا جاب فیئر میں تقریباً 100 کمپنیوں نے شرکت کی، جس کے نتیجے میں 3,391 نوجوانوں کو موقع پر ہی تقرری کے خطوط دیے گئے۔
میٹنگ میں موجود اہم شخصیات میں آل انڈیا یوتھ کانگریس کے صدر ادے بھانو چب، اے آئی سی سی دہلی کے انچارج قاضی نظام الدین، جنرل سکریٹری (تنظیم) اور کمیونیکیشن ڈپارٹمنٹ کے چیئرمین انل بھاردواج، ریاستی نائب صدور سی پی متل، کملکانت شرما، اور تسویر سولنکی، دہلی پردیش یوتھ کانگر یس کے صدر اکشے لاکرا، سوشل میڈیا کے چیئرمین راہل شرمااورضلع چاندنی چوک صدر محمد عثمان بطور خا ص موجود تھے۔
دیویندر یادو نے میٹنگ میں موجود تمام بلاک صدور کو ہدایت دی کہ وہ 15 جون کی شام تک اپنے ا پنے بلاکس سے کم از کم 50 بے روزگار نوجوانوں کی فہرست پیش کریں۔دہلی کے بے روزگار نوجوانو ں کو – جن میں 12ویں جماعت پاس کرنے والوں سے لے کر پی ایچ ڈی کرنے والوں تک – کو اس تقریب میں مدعو کیا گیا ہے، جو تالکٹورا اسٹیڈیم میں صبح 10 بجے سے شام 4 بجے تک منعقد ہوگا۔ نوجو انوں کے انٹرویوز کرنے کے لیے 150 سے زائد کمپنیاں موجود ہوں گی۔