ایم سی ڈی آصف علی کے تعاون کو ہمیشہ عزت اور احترام کے ساتھ یاد رکھے گی:ڈپٹی میئر

نئی دہلی ،11مئی (میرا وطن نیوز )
دہلی میونسپل کارپوریشن کی جانب سے پیر کو آنجہانی آصف علی کے یوم پیدائش کے موقع پردہلی گیٹ کے قریب پارک میں ان کے مجسمے پر خراج عقیدت پیش کیا گیا۔ اس دوران ڈپٹی میئر ڈاکٹر مونیکا پنت کے ساتھ ایم سی ڈی کے سینئر افسروں نے آنجہانی آصف علی کے مجسمے پر گل پوشی کی۔
اس موقع پر ڈپٹی میئر ڈاکٹر مونیکا پنت نے کہا کہ آنجہانی آصف علی نے عوامی خدمت، سماجی لگن اور عوامی زندگی کے شعبوں میں جو آدرشیں قائم کیں وہ آج بھی معاشرے کے لیے تحریک کا ذریعہ ہیں۔ ان کی شخصیت ہمدرد قیادت، عوامی فلاح و بہبود کے لیے ثابت قدمی اور سماجی مسائل کے لیے گہری تشو یش کی مظہر ہے۔ انہوں نے کہا، ’دہلی کی میونسپل کارپوریشن ان کے تعاون کو ہمیشہ عزت اور احترام کے ساتھ یاد رکھے گی۔
پروگرام کے دوران موجود افسروں اور دیگر شخصیات نے مرحوم آصف علی کے سماجی اور عوامی جذبے کے کاموں کو یاد کیا اور انہیں خراج عقیدت پیش کیا۔خراج تحسین کی تقریب پرامن، باوقار اور احترام کے ماحول میں اختتام پذیر ہوئی۔