دہلی سرکار نے بے سہارا ،بیمار اور لاچار لوگوں کےلئے’سیوا اورریسکیو مہم‘ کا آغاز کیا

نئی دہلی، 11 مئی (میرا وطن نیوز )
وزیر اعلی ریکھا گپتا نے پیر کو ’مکھیہ منتری سیوا سدن‘ سے بے سہارا، بیمار اور لاچار لوگوں کے لیے
سے ایک خصوصی ’سیوا اور ریسکیو مہم ‘ کا آغاز کیا۔ وزیر اعلیٰ نے پہل شروع کرنے کے لیے خصوصی ایمبو لینسوں اور ریسکیو گاڑیوں کو جھنڈی دکھا کر روانہ کیا۔ یہ پانچ روزہ مہم 11 مئی سے 15 مئی تک دہلی کے تمام 13 اضلاع میں چلائی جائے گی۔ اس خصوصی مہم کے ذریعہ دہلی کے مختلف حصوں سے 300 سے زیادہ ضرورت مندوں کو فوری مدد فراہم کی جائے گی۔
دہلی سرکار کی طرف سے شروع کی گئی اس مہم کے تحت راجدھانی کے تمام 13 اضلاع میں سڑکوں، ریلو ے سٹیشنوں، بس سٹینڈوں، مذہبی مقامات اور عوامی مقامات پر رہنے والے بے بس، بے سہارا، بیمار، اور مختلف طور پر معذور افراد یعنی مرد اور خواتین دونوں کو بچایا جا ئے گا۔ان بچائے گئے لوگوں کو ‘اپنا گھر آشرم’ میں رکھا جائے گا، جہاں انہیں طبی سہولیات، غذائیت سے بھرپور کھانا اور باوقار دیکھ بھال فراہم کی جائے گی۔
اس مہم کے تحت مجموعی طور پر 500 بے سہارا افراد کی رہائش کے انتظامات کیے گئے ہیں جن میں 100 بستر خواتین کے لیے اور 400 مردوں کے لیے مختص کیے گئے ہیں۔ ایک بار جب وہ صحت یاب ہو جائیں تو، ایسے افراد جن کے خاندانوں کا پتہ لگا یا جا سکتا ہے، مشاورت اور ضروری مدد کے ذریعے ان کے خاندانوں سے دوبارہ مل جائیں گے۔
یہ پہل دہلی سرکار کے سماجی بہبود کے محکمے، ’اپنا گھر آشرم‘ اور ’سیوا بھارتی‘ کی مشترکہ سرپرستی میں منعقد کی جا رہی ہے۔ اس موقع پر شکور بستی کے ایم ایل اے کرنیل سنگھ، اپنا گھر آشرم کے بانی ڈاکٹر بی ایم بھاردواج، سیوا بھارتی (صوبہ دہلی) کے صدر رمیش اگروال، تمام متعلقہ محکموں کے سینئر افسران اور سماجی تنظیموں کے نمائندے موجود تھے۔