وزیر اعلیٰ ریکھا گپتا نے میکس اسپتال میں مالویہ نگر آتشزدگی کے متاثرین سے ملاقات کی

متاثرہ افراد میں بنگلہ دیش، نیپال، کیمرون اور لیبیا جیسے ممالک کے شہری بھی شامل ہیں

نئی دہلی،4جون(میرا وطن نیوز )
وزیر اعلی ریکھا گپتا نے جمعرات کو ساکیت کے میکس اسپتال میں مالویہ نگر آتشزدگی کے متاثرین سے ملا قات کی۔ دہلی سرکار نے مرنے والوں کے لواحقین میں سے ہر ایک کو 10 لاکھ روپے اور شدید زخمیو ں میں سے ہر ایک کو 5 لاکھ روپے کی امدادی رقم دینے کا اعلان کیا ہے۔ یہ معلومات سوشل میڈیا اکاو ¿ نٹ ’سی ایم او دہلی‘ پر شیئر کی گئی ہیں۔
وزیر اعلی نے میکس اسپتال کے دورے کے دوران زخمیوں اور ان کے اہل خانہ سے بات چیت کی۔ انہوں نے موجودہ ڈاکٹروں کے ساتھ جاری علاج کا جائزہ لیا اور حکام کو تمام ضروری مدد فراہم کرنے کی ہدایت کی۔ مرنے والوں میں سے ہر ایک کے لواحقین کو 10 لاکھ روپے کی امدادی رقم فراہم کی جا ئے گی اور شدید زخمی ہونے والوں کو 5 لاکھ روپے دیے جائیں گے۔ متوفی کی لاشوں کو ان کے آبائی گھر لے جانے کے انتظامات کیے جا رہے ہیں۔
وزیر اعلی نے کہا کہ زخمیوں کے طبی اخراجات کا انتظام ہسپتال کے حکام کے ساتھ مل کر کیا جائے گا تاکہ اس بات کو یقینی بنایا جا سکے کہ ہر مریض کو بہترین ممکنہ دیکھ بھال ملے۔ دہلی سرکار ہر غم زدہ خاندان کے ساتھ مضبوطی سے کھڑی ہے۔ ہم زخمیوں کی جلد صحت یابی کی دعا کرتے ہیں اور اس مشکل وقت میں سوگوار خاندانوں کو طاقت فراہم کرتے ہیں۔ آتشزدگی میں 21 افراد ہلاک ہو ئے ہیں۔
وزیراعلیٰ نے بتایا کہ کچھ مریضوں کی حالت تشویشناک ہے، جبکہ دیگر کو وینٹی لیٹر پر رکھا گیا ہے۔ متاثرہ افراد میں ہندوستان کے علاوہ بنگلہ دیش، نیپال، کیمرون اور لیبیا جیسے ممالک کے شہری بھی شامل ہیں ۔ وزیراعلیٰ نے اسپتا ل انتظامیہ کو ہدایت کی کہ تمام مریضوں کو بہترین طبی امداد فراہم کی جائے اور غیر ملکی شہریوں کے کیسز کے حوالے سے ضروری ہم آہنگی کو یقینی بنایا جائے۔