چاندنی چوک علاقے میں تجاوزات اور غیر قانونی پارکنگ کے خلاف کارروائی کا حکم

نئی دہلی ،11جون (میرا وطن نیوز )
دہلی میونسپل کارپوریشن کے قائد ایوان جے بھگوان یادو نے جمعرات کوچاندنی چوک وارڈ74کا معا ئنہ کیا۔ دورے کے دوران مقامی کونسلرسمن گپتا اور میونسپل کے سینئر افسران موجود تھے۔ تجاوزات، غیر قانونی پارکنگ، صفائی ستھرائی اور شہری سہولیات سے متعلق مختلف مسائل کا نوٹس لیتے ہوئے قائد ایوا ن نے افسروں کو فوری اور ضروری کارروائی کو یقینی بنانے کی ہدایت کی۔
قائد ایوان جے بھگوان یادو نے کہا کہ چاندنی چوک میں صفائی، ٹریفک کے انتظام اور شہری سہولتوں پر کوئی سمجھوتہ نہیں کیا جائے گا۔ افسروںکو ہدایت کی گئی ہے کہ وہ تجاوزات، غیر قانونی پارکنگ اور دیگر مسائل سے متعلق مسائل کو فوری حل کریں۔ عوامی مقامات کو تجاوزات سے پاک رکھنا اور شہریوں کو بہتر سہولیات فراہم کرنا ہماری ترجیح ہے۔ دہلی میونسپل کارپوریشن علاقے کی مجموعی ترقی اور ہموار کام کو یقینی بنانے کے لیے پرعزم ہے۔
انہوں نے دہلی گیٹ کے علاقے میں سڑکوں اور فٹ پاتھوں پر قابض غیر مجاز گلی فروشوں اور دکانوں کی وجہ سے ہونے والی تجاوزات پر سخت ناراضگی کا اظہار کیا۔ انہوں نے افسروں کو ہدایت کی کہ وہ مقر رہ حدود سے باہر تجاوزات کو فوری طور پر ہٹائیں اور علاقے کو ہموار کریں۔انہوں نے اس بات پر زور دیا کہ سڑکیں اور فٹ پاتھ عوام کے استعمال کے لیے ہیں اور انہیں تجاوزات اور غیر قانونی پارکنگ سے پاک رکھنا انتظامیہ کی اولین ذمہ داری ہے۔