Tasawwuf Advertisement 2024

قومی خبریں

خواتین

امریکہ میں بھیانک ماحولیاتی بحران۔کئی ریاستوں میں زمینیں پھٹنے لگیں

سائنسدانوں کا کہنا ہے کہ ان علاقوں میں بڑے پیمانے پر زیر زمین پانی کی پمپنگ کی وجہ سے یہ بحران آیا ہے۔

نیویارک : امریکہ میں بھیانک ماحولیاتی بحران کی خبر آرہی ہے۔ دراصل جنوب مغربی حصوں میں زمینیں میلوں تک پھٹنے لگی ہیں۔ سائنسدانوں نے بتایا کہ ان علاقوں میں بڑے پیمانے پر زیر زمین پانی کی پمپنگ کی وجہ سے یہ بحران آیا ہے۔ یہ بڑی بڑی دراڑیں ایریزونا، یوٹا اور کیلی فورنیا سمیت ریاستوں میں نظر آئی ہیں۔
ایریزونا جیولوجیکل سروے میں زمین کی دراڑوں پر تحقیق کرنے والے جوزف کک نے انسائیڈر کو بتایا کہ جب سطح کے نیچے قدرتی آبی ذخائر سے بہت زیادہ زمینی پانی پمپ کیا جاتا ہے تو زمین ڈھیلی ہو جاتی ہے جس سے دراڑیں بن جاتی ہیں۔محقق جوزف کک نے کہا کہ دراڑیں قدرتی طور پر پیدا ہونے والی چیز نہیں ہیں۔ یہ وہ چیز ہے جو ہم نے تیار کیا ہے۔امریکہ کی زمینوں میں دراڑیں زمین میں تناؤ کا اشارہ ہیں۔ جس کی وجہ سے جن علاقوں میں پانی کا ضیاع ہوتا ہے وہاں دراڑیں پڑ جاتی ہیں۔ اور پھر وہ تناؤ کی وجہ سے دھنسنے لگتی ہیں۔امریکہ کے ایریزونا میں 2002 سے ماحولیاتی مسائل پر نظر رکھ رہے ایریزونا جیولوجیکل سروے ادارہ نے بتایا کہ فی الحال ان علاقوں میں کم از کم 169 دراڑیں ہیں۔
نیویارک ٹائمز کی ایک رپورٹ میں بتایا گیا ہے کہ یہ ایک قومی بحران کی علامت ہے۔ رپورٹ میں کہا گیا ہے کہ امریکہ کو 90 فیصد پانی زمینی پانی سے فراہم کیا جاتا ہے۔ اس کے لیے اتنے بڑے پیمانے پر پمپنگ کی جا رہی ہے کہ یہ بہت تیزی سے ختم ہو رہے ہیں۔

No Comments:

Leave a Reply

Your email address will not be published. Required fields are marked *