جامعہ اسکول کی دسویں کلاس کے سالانہ بورڈ کے نتائج کااعلان

طالبات99.19فیصد اور طالب علم 97.96فیصد کامیاب
489 امیدواروں نے ’ڈسٹنکشن‘ کے ساتھ فرسٹ ڈویڑن حاصل کی
112 امیدواروں نے فرسٹ اور 48 امیدواروں نے سیکنڈ ڈویڑن حاصل کی
محمد فوزان نے 98.71 فیصد نمبر حاصل کر کے امتحان میں ٹاپ کیا
محمد علی اور محمد ارحم نے مشترکہ طور پر 98.43 فیصد کے ساتھ دوسری پوزیشن
دو طالبات عتیقہ ضیاءاور زینت فاطمہ نے 98.29 فیصد کے ساتھ تیسری پوز یشن

نئی دہلی، 22 اپریل(میرا وطن نیوز )
جامعہ ملیہ اسلامیہ اسکول ( 2025-26) کے سالانہ 10ویں بورڈ کے نتائج کا اعلان آج 22 اپریل 2026 کو کیا گیا۔ اس سال مجموعی طور پر پاس ہونے کا تناسب 98.65فیصد رہا، جس میں طالبات کے لیے 99.19فیصد اور طالب علموں کے لیے 97.96فیصد کامیاب رہا، جو خواتین طالبات کی اعلیٰ کارکردگی کی عکاسی کرتا ہے۔ جامعہ نے ان نتائج کا اعلان گزشتہ سال 10ویں جماعت کے بورڈ کے نتائج کے مقابلے میں 16 دن پہلے کیا ہے۔ گزشتہ سال کے نتائج کا اعلان 8 مئی 2025 کو کیا گیا تھا۔
ان نتائج کا اعلان آج سہ پہر جامعہ کے وائس چانسلر پروفیسر مظہر آصف اور رجسٹرار پروفیسر محمد مہتاب عالم رضوی نے جامعہ کے افسروں اور جامعہ اسکولوں کے پرنسپلز کی موجودگی میں کنٹرولر امتحانات پرو فیسر احتشام الحق کے ساتھ کیا۔
پروفیسر آصف اور پروفیسر رضوی نے ٹاپرز اور ان کے اہل خانہ کے ساتھ ساتھ دیگر طلباءکو جنہوں نے اعلیٰ ڈویڑن کے ساتھ امتحان پاس کیا، کو مبارکباد پیش کی، خاص طور پر طالبات کو، جنہوں نے اپنے مرد ہم منصبوں کو پیچھے چھوڑ دیا۔ انہوں نے مقررہ وقت سے پہلے نتائج کا اعلان کرنے پر جامعہ اسکولوں او ر امتحانات کے کنٹرولر کی تعریف کی، یہ نوٹ کرتے ہوئے کہ عام طور پر ہر سال مئی میں کلاس 10 کے نتائج کا اعلان کیا جاتا ہے۔
جامعہ کے کنٹرولر امتحانات پروفیسر حق نے اسکولوں اور تشخیصی ٹیم کا شکریہ ادا کیا۔ انہوں نے امتحانات کے انعقاد کے یادگار کام کو کامیابی سے انجام دینے اور مقررہ مدت کے اندر تشخیصی عمل کو مکمل کرنے پر ان کی تعریف کی جس کی وجہ سے اپریل کے اوائل میں نتائج کا اجرا ممکن ہوا۔ کلاس 10 کے بورڈ کے امتحانات میں کل 669 امیدواروں نے شرکت کی جن میں سے 660 کامیاب ہوئے۔ ان میں سے، 489 امیدواروں نے ‘ڈسٹنکشن’ کے ساتھ فرسٹ ڈویڑن حاصل کی۔ 112 امیدواروں نے فرسٹ ڈویڑن حاصل کی۔ 48 امیدواروں نے سیکنڈ ڈویڑن حاصل کیا۔ اور صرف 11 امیدوار تھرڈ ڈویڑن کے ساتھ پاس ہوئے۔
اس موقع پرسید عابد حسین سینئر سیکنڈری ا سکول کی محمد فوزان نے 98.71 فیصد نمبر حاصل کر کے امتحان میں ٹاپ کیا۔ ان کے بعد محمد علی اور محمد ارحم تھے جنہوں نے مشترکہ طور پر 98.43 فیصد نمبروں کے سا تھ دوسری پوزیشن حاصل کی۔ دونوں سید عابد حسین سینئر سیکنڈری اسکول کے طالب علم بھی ہیں۔ آج اعلان کردہ دسویں جماعت کے نتائج میں دو طالبات سید عابد حسین سینئر سیکنڈری اسکول کی عتیقہ ضیاءاور جامعہ گرلز سینئر سیکنڈری اسکول کی انصاری زینت فاطمہ نے 98.29 فیصد نمبر لے کر تیسری پوز یشن حاصل کی۔
طلبائQR کوڈ کا استعمال کرتے ہوئے اپنی مارک شیٹ ڈاو ¿ن لوڈ کر سکتے ہیں۔ یہ کوڈ انہیں جامعہ اسکو لوں کی سرکاری ویب سائٹ پر بھیجے گا، جہاں انہیں اپنا رول نمبر اور اندراج نمبر درج کرنے کی ضرور ت ہوگی۔ ایک اضافی سہولت فراہم کی گئی ہے کہ تصحیح کے لیے ایک ونڈو تین دن تک کھلی رہے گی، جس کے بعد حتمی مارک شیٹ جاری کی جائیں گی۔