تعلیم کا مقصد ذمہ دار شہریوں کو ڈھالنا ہونا چاہئے:دہلی اسمبلی اسپیکر

نئی دہلی، 15 اپریل(میرا وطن نیوز )
’نشانات مواقع کے دروازے کھول سکتے ہیں، لیکن یہ نظم و ضبط، دانشمندی اور قومی ذمہ داری کا احساس ہے جو بالآخر طے کرتا ہے کہ ایک فرد زندگی میں کس حد تک جاتا ہے۔ ان خیالات کا اظہار بدھ کودہلی اسمبلی اسپیکر وجیندر گپتا نے دہلی پبلک اسکول متھرا روڈ میں منعقدسالانہ ایوارڈ تقریب میں کیا۔ انہو ں نے پرنسپل ڈاکٹر رام سنگھ، اساتذہ، والدین اور طلباءکو مبارکباد پیش کرتے ہوئے کہا کہ یہ موقع نہ صرف تعلیمی قابلیت کو خراج تحسین پیش کرتا ہے، بلکہ استقامت، محنت اور لگن کو بھی خراج تحسین پیش کرتا ہے جس سے کامیابی پائیدار ہوتی ہے۔ انہوں نے اس بات پر زور دیا کہ کامیابی کی اصل اہمیت تبھی ہوتی ہے جب یہ مقصد اور کردار سے جڑی ہوتی ہے۔
اس موقع پر وجیندر گپتا نے کہا کہ تعلیمی ادارے ایسے افراد کی تشکیل میں اہم کردار ادا کرتے ہیں جو عوا می زندگی، انتظامیہ اور فکری شعبوں میں بامعنی شراکت کرتے ہیں۔ انہوں نے زور دے کر کہا کہ تعلیم کا اصل جوہر فرد کے ضمیر کو پروان چڑھانے اور اس میں معاشرے کے تئیں ذمہ داری کا احساس پیدا کر نے میں مضمر ہے۔ انہوں نے کہا کہ اسکولوں کو تعلیمی ہدایات کے ساتھ کردار سازی اور قیادت کی نشو و نما پر یکساں زور دینا چاہیے۔
اس موقع پر اسپیکر نے اسکول کی لائبریری کو ’شتابدی یاترا: ویر وٹھل بھائی کی گورو گاتھا‘ کے عنوان سے ایک کافی ٹیبل کتاب پیش کی۔ کتاب ہندوستان کے پارلیمانی ورثے اور وٹھل بھائی پٹیل کی لازوال شراکتوں کا تذکرہ کرتی ہے