سنگم وہار میں پلاسٹک پیکیجنگ فیکٹری میںلگی آگ ، تین گھنٹے میںقابو پایا

نئی دہلی، 8 جولائی (میرا وطن نیوز)
جنوبی دہلی کے سنگم وہار کے ہولی چوک علاقے میں ایک پلاسٹک کنٹینر پیکیجنگ فیکٹری میں بدھ کی دو پہر کو زبردست آگ لگ گئی۔ آگ نے فوری طور پر پوری فیکٹری کو اپنی زد میں لے لیا جس سے اہل علاقہ میں خوف وہراس پھیل گیا۔ آگ سے اٹھنے والے دھوئیں کے بادل کئی کلومیٹر دور سے دکھائی دے رہے تھے جس سے مقامی لوگوں میں خوف وہراس پھیل گیا۔
ابتدائی اطلاعات کے مطابق یہ فیکٹری ایک غیر قانونی طور پر چلنے والی گتے اور پلاسٹک کی پیکیجنگ یو نٹ بتائی جارہی ہے۔ فیکٹری کے اندر بڑی مقدار میں پلاسٹک اور دیگر آتش گیر مواد کی موجودگی کی وجہ سے آگ تیزی سے پھیل گئی۔دہلی فائر سروس کو صبح11:52 پر الرٹ موصول ہوا۔ ابتدائی طور پر کئی فا ئر ٹینڈرز جائے وقوعہ پر روانہ کیے گئے لیکن آگ کی شدت کو دیکھتے ہوئے اضافی یونٹس کو مسلسل طلب کیا گیا۔ تحریر کے وقت 15 سے زائد فائر ٹینڈر آگ بجھانے کی کارروائیوں میں مصروف تھے۔
بارش کے باوجود آگ کی شدت میں کمی نہیں آئی۔ فائر فائٹرز نے کئی سمتوں سے پانی کا چھڑکاو ¿ کرکے آگ پر قابو پانے کی کوشش کی لیکن تقریباً تین گھنٹے گزرنے کے باوجود آگ پر مکمل طور پر قابو نہیں پایا جاسکا۔ حکام نے بتایا کہ فیکٹری میں رکھے پلاسٹک اور پیکیجنگ میٹریل کی وجہ سے آگ بار بار بھڑکتی رہی۔ احتیاط کے طور پر، مقامی باشندوں کو محفوظ مقامات پر منتقل ہونے کا مشورہ دیا گیا اور علاقے میں حفاظتی انتظامات کو بڑھا دیا گیا۔ راحت اور بچاو ¿ کا کام جاری ہے۔ ابھی تک جانی نقصان کی کوئی اطلاع نہیں ہے۔
محکمہ فائر بریگیڈ اور مقامی انتظامیہ نے آگ لگنے کی وجہ جاننے کے لیے تحقیقات کا آغاز کر دیا ہے۔ آگ کے مکمل طور پر بجھ جانے کے بعد نقصان کا تخمینہ لگایا جائے گا اور فیکٹری کے کاموں کی قانونی حیثیت کی بھی چھان بین کی جائے گی۔