غیر قانونی تعمیرات اور آوارہ جانوروں کے انتظام پر سخت کارروائی کی ہدایت

نئی دہلی، 14 ستمبر(میرا وطن نیوز)
ایل جی ترنجیت سنگھ سندھو نے غیر قانونی تعمیرات کے خلاف سخت کارروائی کی ہدایت کی ہے۔ انہوں نے پیر کو لوک نواس میں دہلی میونسپل کارپوریشن کے کمشنر سنجیو کھیروار سے ملاقات کی۔ اس دوران انہوں نے راجدھانی میں جاری کاموں کا جائزہ لیا۔
ایل جی نے دہلی میں کچرا بروقت اٹھانے، سڑکوں کی صفائی، پانی جمع ہونے کے مسئلے سے نمٹنے، آوارہ جانوروں کے انتظام اور غیر قانونی تعمیرات کے خلاف سخت کارروائی کی ہدایات دی ہیں۔ انہوں نے سڑکوں کی کھدائی اور سڑکوں کی دیکھ بھال کرنے والی ایجنسیوں کے درمیان بہتر ہم آہنگی کی ضرورت پر زور دیا تاکہ سڑکوں کو بار بار ٹوٹنے اور مسافروں کو تکلیف سے بچایا جا سکے۔
ایل جی نے متعلقہ محکموں پر زور دیا ہے کہ وہ زمینی سطح پر کام کریں اور جوابدہی کو یقینی بنائیں۔