ایل جی ترنجیت سنگھ سندھو نے ڈی ڈی اے وائس چیئر مین کے ساتھ میٹنگ

نئی دہلی، 9ستمبر (میرا وطن نیوز )
ایل جی ترنجیت سنگھ سندھو نے بدھ کو کو راج نواس میں دہلی ڈیولپمنٹ اتھارٹی (ڈی ڈی اے )کے وا ئس چیئرمین این سر و نا کمار کے ساتھ اہم میٹنگ کی۔ اس اعلیٰ سطحی جائزہ میٹنگ کا بنیادی مقصد دہلی میں زیر تعلیم طلبہ کے لیے محفوظ اور سستی متبادل رہائش (پی جی اور ہاسٹل) کے اختیارات کا جائزہ لینا تھا۔ ستیہ نکیتن میں عمارت سے متعلق ایک حالیہ واقعہ کے بعد انتظامیہ طلباءکی حفاظت کو لے کر گہری فکر مند ہے۔
اس موقع پر ایل جی ترنجیت سنگھ سندھو نے ڈی ڈی اے کو ہدایت کی کہ وہ پیئنگ گیسٹ (پی جی) اور طلبہ کی رہائش کے لیے مناسب زمین کے پارسلوں کی شناخت کے عمل کو تیز کرے۔ انہوں نے ڈی ڈی اے کو ہدایت کی کہ وہ ایک قابل عمل منصوبہ تیار کرے اور یونیورسٹی کے عہدیداروں کے ساتھ ہم آہنگی پیدا کرے تا کہ نئے ماسٹر پلان کی دفعات کے مطابق ہاسٹل کی سہولیات تیار کی جاسکیں۔ اس اقدام کی بنیادی توجہ اس بات کو یقینی بنانا ہے کہ شہر کے باہر سے دہلی آنے والے طلباءکو باوقار، محفوظ اور سستی رہائش کی سہولیات تک رسائی حاصل ہو۔
مزید برآں، حالیہ مشترکہ میٹنگوں میں غیر استعمال شدہ ڈی ڈی اے فلیٹس (موجودہ ہاو ¿سنگ اسٹاک ) کو طلبہ کے ہاسٹلز کے طور پر استعمال کرنے کے امکان کو بھی تلاش کیا گیا ہے۔ ایل جی نے میٹنگ سے منسلک کسی خاص پروجیکٹ، ماسٹر پلان 2041 کے ضوابط، یا طالب علم پی جی کے رہنما خطوط کے بارے میں وائس چیئر مین سے مزید جانکاری طلب کی۔