ٹی وی چینلوں کی خاتون اینکرز کو ماں کا فرض نبھاتے ہوئے انصاف کی بات کرنی چاہئے

نئی دہلی، 10مئی (میرا وطن نیوز )
دہلی کے جنک پوری واقع ایس ایس موٹا سنگھ اسکول میں گزشتہ دنوں تین سالہ بچی کے ساتھ ہوئے ر یپ معاملے میں سیاسی تعلقات سامنے آنے پر عام آدمی پارٹی نے بی جے پی کی ریکھا گپتا سرکار پر شدید حملہ کیا ہے۔ آپ کے دہلی پردیش صدر سوربھ بھاردواج نے کہا کہ کیا اسکول کے سیاسی تعلقا ت ہونے کی وجہ سے ریپ متاثرہ 3سالہ بچی کے والدین کو ڈی سی پی دھمکا رہا ہے؟ کیونکہ بچی کی ماں کا کہنا ہے کہ اسکول کے سیاسی تعلقات ہیں۔ انہوں نے سوال کیا کہ آخر کیوں ڈی سی پی بچی کے والد ین کو دھمکا رہا ہے اور کیوں پولیس پورا دن خاندان کو بٹھا کر پریشان کر رہی ہے؟
اس موقع پرسوربھ بھاردواج نے ایل جی اور وزیر اعلیٰ کو تنقید کا نشانہ بناتے ہوئے کہا کہ ایل جی صا حب اور وزیر اعلیٰ کو مدرز ڈے کی مبارکباد۔ ایک ماں، جس کی 3سالہ بچی کے ساتھ ایک پرائیویٹ اسکول میں زیاد تی ہوئی، وہ الزام لگا رہی ہے کہ ایل جی صاحب کی دہلی پولیس کے ڈی سی پی متاثرہ بچی کے والدین کو دھمکا رہے تھے۔ ان کے ایس ایچ او اور پولیس اسٹاف نے بچی اور اس کے خاندان کو پریشان کیا۔ ایل جی صاحب نے اس پر کیا کیا؟کیا ایل جی کے اندر ذرا سی بھی حساسیت باقی ہے؟