وزیر اعلیٰ نے ’ٹیلنٹ ہنٹ اسکیم – حوصلوںکی اڑان 2026-27‘ کا آغاز کیا

دہلی نئے ہندوستان کی ’نوجوانوں کی راجدھانی‘کے طور پر ابھر رہی ہے: کپل مشرا

نئی دہلی، 20 مئی(میرا وطن نیوز )
وزیر اعلیٰ ریکھا گپتا نے بدھ کو ’ٹیلنٹ ہنٹ اسکیم – حوصلوں کی اڑان 2026-27‘ کا اعلان کیا۔ انہوں نے کہا کہ یہ اقدام محض مقابلہ نہیں ہے، بلکہ دہلی کے نوجوانوں کی صلاحیتوں کو پہچاننے، ان کو نکھارنے اور اسے قومی سطح پر لانے کے لیے ایک طاقتور پلیٹ فارم کے طور پر کام کرے گا۔ جن سیوا سدن میں منعقد پریس کانفرنس میںنے اس مہتواکانکشی اسکیم کے سرکاری لوگو کو جاری کیا۔ انہوں نے کہا کہ یہ لوگو دہلی کے نوجوانوں کے خوابوں، تخلیقی صلاحیتوں اور بڑھتے ہوئے اعتماد کی علامت ہے ۔اس موقع پروزیر فن، ثقافت اور زبانوں کپل مشرا موجود تھے۔
اس موقع پر ریکھا گپتا نے کہا کہ دہلی سرکار مضبوطی سے یقین رکھتی ہے کہ ہر نوجوان کے پاس ہنر ہے، اور ضرورت صرف یہ ہے کہ انہیں صحیح موقع اور پلیٹ فارم مہیا کیا جائے۔ اس فلسفے کے تحت، آرٹ، کلچر اور زبانوں کا محکمہ اس اسکیم کو نافذ کرے گا۔ یہ اقدام دہلی کے نوجوانوں کو اپنی فنکارانہ صلاحیتوں کو ظاہر کرنے، ان کے خود اعتمادی کو بڑھانے اور اپنی شناخت بنانے کا موقع فراہم کرے گا۔ یہ دہلی کے بھرپور ثقافتی ورثے اور اس کے جدید تخلیقی جذبے دونوں کو فروغ دینے کا کام کرے گا۔
وزیر اعلیٰ نے بتایا کہ اس سکیم کا مقصد صرف ہنر کو تلاش کرنا نہیں بلکہ دہلی کے نوجوانوں کے لیے ایک ایسا پلیٹ فارم تیار کرنا ہے جس کی خصوصیات رسائی، شمولیت اور تنوع ہے، اس کے ساتھ ہی باصلا حیت افراد کے درمیان خود روزگار اور خود انحصاری کے مواقع کو فروغ دینا ہے۔ انہوں کہا کہ یہ اقدام متنوع سماجی اور اقتصادی پس منظر سے تعلق رکھنے والے نوجوانوں کو مساوی مواقع فراہم کرے گا، اس طرح ان کی تخلیقی صلاحیت کو ایک نئی سمت ملے گی۔
وزیر اعلیٰ کے مطابق اس اسکیم کو تمام 70 اسمبلی حلقوں میں لاگو کیا جائے گا۔ اس اسکیم کے لیے 10 کر و ڑ روپے کا بجٹ مختص کیا گیا ہے۔ اس اقدام کے تحت 25ہزار سے زیادہ نوجوان افراد کو مختلف مراحل میں حصہ لینے کا موقع ملے گا۔ اس پورے عمل کو شفاف، منظم اور مرحلہ وار طریقے سے انجا م دیا جائے گا تاکہ اس بات کو یقینی بنایا جا سکے کہ ہر شریک کو مساوی موقع ملے۔ 16 سے 35 سال کی عمر کے نوجوان اس سکیم کے لیے منگل سے شروع ہونے والے وقف شدہ آن لائن پورٹل: www.delhitalenthunt.com کے ذریعے مکمل طور پر مفت رجسٹر کر سکتے ہیں۔ یہی پورٹل رجسٹریشن، پروگرام کی تفصیلات اور باقاعدہ اپ ڈیٹس کے لیے مرکزی مرکز کے طور پر بھی کام کرے گا۔