بی جے پی میئر کے ساتھ اسٹینڈنگ کمیٹی کا چیئر مین بھی اپنا بنائے

آپ نے اسٹینڈنگ کمیٹی کی3 سیٹوں میں سے ایک پر جلج چودھری کو بنایا امید وار
وارڈ نمبر 55شالیمار باغ سے آپ کونسلر نے الیکشن کےلئے پرچہ نامزدگی کیا داخل

نئی دہلی، 22 اپریل(میرا وطن نیوز )
عام آدمی پارٹی نے دہلی میونسپل کارپوریشن میں اس بار بھی بی جے پی کو میئر کے ساتھ ساتھ اسٹینڈنگ کمیٹی کا چیئرمین بننے کا کھلا آفر دے دیا ہے ۔ اسٹینڈنگ کمیٹی کی3 خالی نشستوں میں سے صرف ایک سیٹ شالیمار باغ سے جلج چودھری کو امید وار بنایا ہے۔ جلج چودھری نے بدھ کو باضابطہ طور پر کاغذات نامزدگی داخل کیا۔ آپ ایک اور سیٹ پر امیدوار اتار سکتی تھی۔ لیکن ہارس ٹریڈنگ میں یقین نہیں رکھتے ہوئے بی جے پی کے لیے میدان کھلا چھوڑ دیا ہے۔ یہ اطلاع ایم سی ڈی میں اپوزیشن لیڈر انکش نار نگ نے دی۔
اس موقع پر انکش نارنگ نے کہا کہ بی جے پی کو اب میئر کا عہدہ اور اسٹینڈنگ کمیٹی چیئرمین شپ دونو ں کو حاصل کرنا چاہئے اور دہلی میں ٹھوس نتائج دے کر اپنی صلاحیت کا مظاہرہ کرنا چاہئے۔ ایک بار پھر ، بی جے پی کو کوئی بہانہ نہیں چھوڑا جائے گا۔ اگرچہ انہوں نے گزشتہ سال دہلی کے باشندوں کو مایوس کیا تھا، اب انہیں اس موقع پر اٹھنا چاہیے اور عوام کی توقعات پر پورا اترنا چاہیے۔
انکش نارنگ نے کہا کہ بدھ کو ایم سی ڈی ہیڈکوارٹرسوک سینٹر میں وارڈ نمبر 55شالیمار باغ سے کونسلر جلج کمار چود ھر ی نے عام آدمی پارٹی کی جانب سے اسٹینڈنگ کمیٹی کے رکن کے اہم عہدے کے لیے اپنا پرچہ نامز دگی داخل کیا۔ یہ نامزدگی پارٹی کی مضبوط تنظیمی تیاری، اس کے شفاف کام کرنے کے انداز اور عوامی خدمت کے لیے اس کے اٹل عزم کی علامت ہے۔
انکش نارنگ نے کہا کہ جلج کمار چودھری نے طویل عرصے سے اپنے حلقے کو درپیش مسائل کو اٹھانے کو ترجیح دی ہے، اور ان کے تجربے کی دولت سے کارپوریشن کے کام کو مزید مضبوط کرنے کی امید ہے۔ حمایت میں متحد ہو کر سبھی نے جلج کمار چودھری کو نیک خواہشات کا اظہار کیا اور ان کے روشن مستقبل کی خواہش کی۔