جامعہ ملیہ اسلامیہ کے گرلز ہاسٹل کے کھانے میں کیڑے نکلنے پر طالبات کا زبردت مظاہرہ

vطالبات کا احتجاج شدت اختیار کر گیا ، خبر میڈیا میں پھیلنے لگی ، جامعہ انتظامیہ حرکت میں آئی
انتظامیہ نے یقین دہانی کرائی ہے کہ موجودہ میس کنٹریکٹر کا معاہدہ فوری طور پر ختم کر دیا جائے گا
یہ کام کسی نئے کنٹریکٹر کے سپرد کیا جائے گا، میس میں صفائی نظام کی نگرانی کےلئے کمیٹی ہوگی تشکیل
طالبات کی سہولت کےلئے گرلز ہاسٹل کی میس میں صرف خواتین عملہ ہی تعینات کیا جائے گا

نئی دہلی ،13ستمبر (میرا وطن نیوز )
جامعہ ملیہ اسلامیہ کے گرلز ہاسٹل میں ناقص معیار کا کھانا اور سبزیوں میں کیڑے پائے جانے پر طالبا ت میں شدید غم و غصہ پایا گیا۔ احتجاج کا سلسلہ تب ہی ختم ہوا جب انہیں تحریری یقین دہانی کرائی گئی کہ میس کنٹریکٹر کو ہٹا دیا جائے گا اور ان کے تمام مطالبات پورے کیے جائیں گے۔حالانکہ جموں و کشمیر گرلز ہا سٹل کی طالبات نے کھانے کے ناقص معیار اور صفائی کی عدم موجودگی پر برہم ہو کر جمعرات کو تقریباً پانچ گھنٹے تک احتجاج کیا۔ بدھ کی رات ایک طالبہ کی کھانے کی پلیٹ میں کیڑا ملنے کے بعد کشیدگی بڑھ گئی۔ طالبات نے گیٹ نمبر 13 (سینٹینری گیٹ) پر دھرنا دیا اور زوردار نعرے بازی کی۔
اطلاعات کے مطابق کھانے میں کیڑے، مکھیاں، شیشے کے ٹکڑے اور خراب انڈے ملنے کے بارے میں بار بار شکایات کے باوجود کوئی کارروائی نہیں کی گئی۔ انتظامیہ کی جانب سے مطالبات پورے کر نے کی تحریری یقین دہانی کے بعد یہ احتجاج صبح تقریباً 3 بجے ختم ہوا۔ طالبات کا کہنا تھا کہ کھانے میں کیڑوں کے حوالے سے کئی دنوں سے شکایات کی جا رہی تھیں۔
ایک ماہ سے زائد عرصے سے شکایات کی جا رہی ہیں۔ فاطمہ نامی ایک طالبہ نے اپنے کھانے میں کیڑا ملنے کی اطلاع دی؛ دیگر طالبات کی پلیٹوں میں بھی کیڑے پائے گئے۔ انہوں نے الزام لگایا کہ ان شکایات کے باوجود کوئی کارروائی نہیں کی گئی۔ ایک اور طالبہ نے بتایا کہ میس کے عملے کے سامنے یہ معاملہ اٹھانے پر انہیں کوئی جواب نہیں ملا۔وارڈن سے کی گئی شکایات کے نتیجے میں صرف یقین دہانیاں ہی ملیں۔ اسی رات گئے، میس وینڈر نے استعفیٰ دے دیا۔ جمعہ کی رات طالبات نے سینٹینری گیٹ پر دوبارہ احتجاج شروع کر دیا اور کہا کہ تحریر ی یقین دہانی کے باوجود انتظامیہ نے ٹھیکیدار کو نہیں ہٹایا۔ رات گئے جاری اس احتجاج کے دوران گیٹ پر لگی لائٹس بھی بند کر دی گئیں۔ طالبات کا الزام ہے کہ پیش کیے جانے والے کھانے میں کیڑے اور لاروا موجود تھے۔ اس صورتحال پر برہم ہو کر، سینکڑوں طالبات آدھی رات کو ہاسٹل سے باہر نکل آئیں اور یونیورسٹی کے ‘سینٹینری گیٹ’ پر دھرنا شروع کر دیا۔احتجاج کرنے والی طالبات نے بتایا کہ ناقص معیار کے کھانے کی وجہ سے کئی لڑکیاں بیمار پڑ گئی تھیں۔ کچھ طالبات کو فوڈ پوائزننگ کا سامنا کرنا پڑا اور انہیں طبی امداد کی ضرورت پیش آئی۔ طالبات کا کہنا ہے کہ ہاسٹل کی بھاری فیس ادا کرنے کے باوجود انہیں ایسا کھانا دیا جا رہا ہے جو صحت کے لیے خطرہ ہے۔
کھانے میں کیڑوں کے مسئلے کے علاوہ، طالبات نے ہاسٹل کی سیکیورٹی اور میس کے عملے کے رویے کے بارے میں بھی سنگین خدشات کا اظہار کیا۔ انہوں نے الزام لگایا کہ جب بھی انہوں نے کھانے کے بارے میں مرد میس عملے سے شکایت کی تو عملے نے بدتمیزی اور غیر مہذب رویے کا مظاہرہ کیا۔ مزید برآں، طالبات نے ہاسٹل میں مرد عملے کے داخلے پر بھی تشویش کا اظہار کیا۔ انہوں نے کہا کہ گرلز ہاسٹل کے اندر مردوں کی بار بار آمد و رفت سے وہ خود کو غیر محفوظ محسوس کرتی ہیں، اور مطالبہ کیا کہ طالبات کی پرائیویسی اور سیکیورٹی کو یقینی بنانے کے لیے میس میں صرف خواتین عملے کو ہی تعینات کیا جائے۔
جب طالبات کا احتجاج شدت اختیار کر گیا اور خبر میڈیا میں پھیلنے لگی تو جامعہ انتظامیہ حرکت میں آئی۔ وائس چانسلر اور رجسٹرار کی ہدایات پر عمل کرتے ہوئے حکام کی ایک ٹیم احتجاج کرنے والی طالبات سے بات چیت کے لیے پہنچی۔ اگرچہ ابتدا میں طالبات اور انتظامیہ کے درمیان تلخ کلامی بھی ہوئی، لیکن طالبات اپنے مطالبات پر ڈٹی رہیں۔ بالآخر، انتظامیہ کو جھکنا پڑا اور ان کے تمام اہم مطالبات تحریری طور پر تسلیم کرنے پڑے۔
انتظامیہ نے یقین دہانی کرائی ہے کہ موجودہ میس کنٹریکٹر کا معاہدہ فوری طور پر ختم کر دیا جائے گا اور یہ کام کسی نئے کنٹریکٹر کے سپرد کیا جائے گا۔ مزید برآں، میس میں صفائی ستھرائی کے نظام کی نگرانی کے لیے ایک کمیٹی تشکیل دی جائے گی جس میں طالبات کے نمائندے بھی شامل ہوں گے۔ مزید برآں، طالبات کی سہولت کے لیے گرلز ہاسٹل کی میس میں صرف خواتین عملہ ہی تعینات کیا جائے گا۔