جامعہ کے یونیورسٹی پلیسمنٹ سیل نے 2027 بیچ کےلئے پلیسمنٹ ڈرائیو کا آغاز

نئی دہلی، 18 اگست(میرا وطن نیوز )
جامعہ ملیہ اسلامیہ میں یونیورسٹی پلیسمنٹ سیل (یو پی سی ) کو یہ اعلان کرتے ہوئے فخر محسوس ہو رہا ہے کہ 2027 بیچ کے 34 طلباءبی ٹیک، ایم ٹیک، ایم سی اے، اور ایم ایس سی پروگراموں کا انتخاب ٹاٹا کنسلٹنسی سروسز (ٹی سی ایس ) نے کیمپس پلیسمنٹ کے عمل کے ذریعے کیا ہے۔
جامعہ ملیہ اسلامیہ میں فیکلٹی آف انجینئرنگ اینڈ ٹکنالوجی کی کمپیوٹر لیبارٹریز میں 25 جولائی کو اہلیت کا امتحان لیا گیا۔ دو شفٹوں میں منعقد ہونے والے اس آن کیمپس اسیسمنٹ میں کل 300 طلباءنے حصہ لیا۔ تشخیص کے بعد، 117 طلباءکو انٹرویو کے عمل کے لیے شارٹ لسٹ کیا گیا، جو 3 اور 4 اگست کو ٹی سی ایس آفس میں ہوا تھا۔ انتخاب کے عمل کی تکمیل کے بعد، ٹی سی ایس نے 34 طلباءکا انتخاب کیا۔
منتخب طلباءکو تین پروفائلز میں پوزیشنز کی پیشکش کی گئی ہے:ٹی سی ایس پرائم: 1 طالب علم؛ سالانہ پیکیج 9.09 ایل پی اے سے 11.59ایل پی اے تک۔ٹی سی ایس ڈیجیٹل: 26 طلبائ؛ سالانہ پیکیج 7.09 ایل پی اے سے 7.39ایل پی اے تک۔ٹی سی ایس ننجا : 7 طلباء؛ سالانہ پیکیج 3.46 ایل پی اے سے 3.62 ایل پی اے تک۔
یونیورسٹی پلیسمنٹ سیل کے طلباءکو معیاری تربیت اور تقرری کے مواقع فراہم کرنے کی مسلسل کوشش کر تا ہے، جس سے وہ معروف تنظیموں کے ساتھ کامیاب اور فائدہ مند کیریئر بنانے کے قابل ہوتے ہیں۔اعزازی ڈائریکٹر پروفیسر راحیلہ فاروقی، اعزازی ڈپٹی ڈائریکٹر پروفیسر صباح خان اور پروفیسر ریحان خان سوری (پروفیسر، ٹی پی او) نے منتخب طلبہ کو ان کی شاندار کامیابی پر مبارکباد دی اور ان کی محنت اور لگن کو سراہا۔ جامعہ کو اس کامیابی پر فخر ہے اور وہ تمام منتخب طلبہ کو کامیاب اور مکمل کیریئر کے لیے دلی مبارکباد اور نیک خواہشات پیش کرتا ہے۔