کابینہ نے ’دہلی لکشمی یوجنا‘کو منظوری دی،وزیر اعلیٰ نے کیا اعلان

نئی دہلی، 28 جولائی(میرا وطن نیوز )
خواتین کو معاشی طور پر بااختیار بنانے اور سماجی تحفظ کی سمت میں اہم قدم اٹھاتے ہوئے دہلی سرکا ر نے وزیر اعلیٰ ریکھا گپتا کی صدارت میںمنگل کودہلی سکریٹریٹ میں منعقدہوئی میٹنگ کے دوران ’دہلی لکشمی یوجنا ‘ (ڈی ایل وائی) اسکیم کے رہنما خطوط کو منظوری دی گئی۔ اس اقدام کے تحت، اہل خواتین کو ہر ماہ 2500 روپے کی مالی امداد ملے گی۔ 2026-27 کے بجٹ میں اس کے لیے 5,110 کروڑ روپے کا انتظام کیا گیا ہے، اور اس اسکیم سے دہلی میں 17 لاکھ سے زیادہ خواتین کو فائدہ پہنچنے کی امید ہے۔
کابینہ کی میٹنگ کے بعد وزیر اعلیٰ ریکھا گپتا نے ایک پریس کانفرنس میں دہلی لکشمی یوجنا کا باضابطہ اعلا ن کیا جس میں دہلی کے کابینہ وزراءپرویش صاحب سنگھ، آشیش سود، منجندر سنگھ سرسا، کپل مشرا، اور ڈاکٹر پنکج سنگھ سمیت سینئر افسران موجود تھے۔وزیر اعلیٰ نے کہا کہ اس اسکیم کے فوائد 21 سے 60 سا ل کی عمر کی اہل خواتین کو دستیاب ہوں گے جن کے خاندانوں کی کل سالانہ آمدنی 2.50 لاکھ روپے تک ہے۔ ابتدائی طور پر، یہ اسکیم اپنے آغاز کی تاریخ سے تین سال کی مدت تک کام کرے گی، جس کے بعد اسے ممکنہ تبدیلیوں کے ساتھ جاری رکھا جائے گا۔
وزیر اعلیٰ نے وضاحت کی کہ اہل خواتین کے پاس اسکیم کے تحت ماہانہ 2500 روپے کی رقم وصول کر نے کے لیے دو اختیارات ہوں گے۔ پہلے آپشن کے تحت، 1,500 ایک RD (ریکرینگ ڈپازٹ ) یا FD (فکسڈ ڈپازٹ) اکاو ¿نٹ میں جمع کیے جائیں گے، جبکہ 1,000 CBDC ڈیجیٹل روپے والیٹ میں فراہم کیے جائیں گے۔ ڈیجیٹل والیٹ میں رقم سرکارکی طرف سے تجویز کردہ ‘منفی فہرست‘ کے مطابق صرف اجازت یافتہ سامان اور خدمات کے لیے استعمال کی جا سکتی ہے۔ دوسرے آپشن کے تحت، ایک عورت پوری 2,500 کی رقم بطور RD یا FD ڈپازٹ وصول کرنے کا انتخاب کر سکتی ہے۔ اس اختیار کا مقصد خواتین کی سرمایہ کاری میں مدد کرنا ہے۔
وزیر اعلیٰ نے کہا کہ اس اسکیم کے لیے درخواست کا پورا عمل ‘دہلی لکشمی یوجنا پورٹل’ کے ذریعے آن لائن کیا جائے گا۔ آن لائن پورٹل 1 اگست کو شروع ہونے والا ہے، جو اہل خواتین کو درخواست دینے کے قابل بنائے گا۔ سرکار کا مقصد رکشا بندھن کے موقع پر اہل خواتین کو اسکیم کی پہلی قسط تقسیم کرنا ہے۔ در خو است کی جانچ پڑتال، حتمی منظوری، اور شکایات کے تیز، شفاف حل کے لیے ضلعی سطح پر ایک منظم نظام قائم کیا گیا ہے۔
وزیر اعلیٰ نے واضح کیا کہ مخصوص زمروں سے تعلق رکھنے والی خواتین اس اسکیم کے لیے اہل نہیں ہوں گی۔ خارج کیے گئے زمروں میں وہ خواتین شامل ہیں جو پہلے ہی دیگر مالی امداد یا پنشن سکیموں سے فوا ئد حاصل کر رہی ہیں، انکم ٹیکس دہندگان، جی ایس ٹی ریٹرن فائلرز، سرکاری ملازمین، تین سے زیادہ زندہ بچوں والی مائیں، اور 2,400 یونٹس سے زیادہ بجلی کی سالانہ کھپت والے خاندان شامل ہیں۔ ریاستی سرکار، مرکزی سرکار، پبلک سیکٹر انڈر ٹیکنگ (PSU) یا کسی بھی سرکاری تنظیم کے ذریعہ ملاز مت والے ممبر کے ساتھ خاندانوں کے ساتھ ساتھ فور وہیلر کے مالک خاندانوں کو بھی خارج کر دیا گیا ہے۔ مجرمانہ ریکارڈ رکھنے والی خواتین بھی نااہل ہیں۔