قومی خبریں

خواتین

پرچہ لیک ہونے کی وجہ سے یوپی پولیس کانسٹیبل بھرتی امتحان منسوخ

وزیر اعلیٰ یوگی کے اعلان سے لاکھوں امیدواروں نے راحت کی سانس لی

لکھنؤ: یوپی حکومت نے پولیس کانسٹیبل بھرتی امتحان منسوخ کرنے کے ساتھ ہی 6 مہینے کے اندر دوبارہ امتحان منعقد کرانے کا حکم دیا ہے۔وزیر اعلیٰ یوگی آدتیہ ناتھ نے اپنے سوشل میڈیا اکاؤنٹ ایکس (سابقہ ٹوئٹر) کے ذریعے اطلاع دیتے ہوئے کہا کہ یوپی پولیس کانسٹیبل بھرتی کا امتحان منسوخ کر دیا گیا ہے۔ انہوں نے لکھا، ’’پولیس کے عہدوں کے لئے منعقدہ امتحان 2023 کو منسوخ کرنے اور آئندہ چھ ماہ کے اندر دوبارہ امتحان کرانے کے احکامات جاری کیے گئے ہیں۔ امتحانات کی شفافیت پر کوئی سمجھوتہ نہیں کیا جا سکتا۔ نوجوانوں کی محنت سے کھلواڑ کرنے والوں کو کسی بھی حالت میں معاف نہیں کیا جائے گا۔ ایسے شرپسند عناصر کے خلاف سخت ترین کارروائی کی جائے گی۔ وزیر اعلیٰ کے اس اعلان سے لاکھوں امیدواروں نے راحت کی سانس لی ہے، جو پرچہ لیک کے دعووں کے بعد امتحان منسوخ کرنے اور دوبارہ امتحان کی درخواست کر رہے تھے۔
اس ضمن میں ریاستی حکومت کی جانب سے جاری کردہ ایک نوٹس میں کہا گیا، ’’تاریخ 17 اور 18 فروری 2024 کو منعقد ہونے والے پولیس بھرتی امتحان کے حوالے سے موصولہ شواہد اور معلومات کی جانچ پڑتال کی بنیاد پر حکومت نے غور و فکر کے بعد شفافیت اور اعلیٰ معیارات کو مد نظر رکھتے ہوئے اس امتحان کو منسوخ کرنے کا فیصلہ کیا ہے۔ حکومت نے بھرتی بورڈ کو ہدایت کی ہے کہ جس سطح پر بھی غفلت برتی گئی ہے، اس کے خلاف ایف آئی آر درج کرواکر مزید قانونی کاروائی یقینی بنائی جائے۔

No Comments:

Leave a Reply

Your email address will not be published. Required fields are marked *