مالویہ نگر آتشزدگی کا واقعہ: بی اینڈ بی شیف بھی گرفتار، اب تک دو ملزموں پر پولیس کا شکنجہ

نئی دہلی، 6 جون (میرا وطن نیوز)
دہلی پولیس نے جنوبی ضلع کے مالویہ نگر علاقے میں ’فلورش اسٹے‘بی اینڈ بی میں بڑے پیمانے پر آتشزد گی کی تحقیقات کے دوران ایک اور ملزم کو گرفتار کیا ہے۔ اس سانحے میں اکیس افراد اپنی جانوں سے ہا تھ دھو بیٹھے، جبکہ متعدد زخمی ہوئے۔ پولیس کا کہنا ہے کہ مکمل تفتیش جاری ہے، لاپرواہی اور حفاظتی معیا رات کی خلاف ورزیوں سے متعلق پہلوو ¿ں کی جانچ کی جا رہی ہے۔
ڈپٹی کمشنر آف پولیس (جنوبی ضلع)اننت متل نے ہفتہ کو بتایا کہ کیشو نیگی (65)، جو بی اینڈ بی میں شیف کے طور پر کام کرتا تھا، کو گرفتار کر لیا گیا ہے۔ وہ دلشاد گارڈن علاقے کا رہنے والا ہے۔ پولیس اس سے پوچھ گچھ کر رہی ہے تاکہ یہ معلوم کیا جا سکے کہ اس کے پاس ہوٹل کے اندر حفاظتی انتظامات، عملے کی ذمہ داریوں اور واقعہ کے وقت موجود حالات کے بارے میں کیا معلومات تھیں۔
اس سے پہلے پولیس نے بی اینڈ بی کے مالک لوکیش بجاج کو بھی گرفتار کیا تھا۔ تحقیقات نے جس عمار ت میں گیسٹ ہاو ¿س چل رہا تھا وہاں فائر سیفٹی کے اقدامات کے حوالے سے سنگین سوالات اٹھائے ہیں۔ تحقیقاتی ایجنسیاں اس بات کا تعین کر رہی ہیں کہ آیا مقررہ معیارات پر عمل کیا گیا اور ان عوامل کی نشاندہی کر رہے ہیں جو آگ لگنے کے بعد امدادی کارروائیوں میں رکاوٹ بنے۔
پولیس ذرائع کے مطابق تفتیش کا دائرہ مسلسل بڑھایا جا رہا ہے۔ ہوٹل کے عملے، انتظامیہ کے ارکان اور دیگر متعلقہ افراد سے پوچھ گچھ کی جا رہی ہے۔ اس کے ساتھ ہی فائر سیفٹی کے آلات، عمارت کے بلیو پرنٹس، لائسنس اور دیگر دستاویزات کی جانچ کی جا رہی ہے۔
پولیس کا کہنا ہے کہ کیس میں مزید گرفتاریاں بھی ہوسکتی ہیں۔ کیشو نیگی کی گرفتاری کے بعد، پولیس فی الحال اس کے کردار اور ذمہ داریوں کے بارے میں تفصیلی پوچھ گچھ کر رہی ہے۔ حکام کا کہنا ہے کہ وا قعے کی وجوہات کا تعین کرنے اور ذمہ داروں کا احتساب کرنے کے لیے تمام محاذوں پر تحقیقات جاری ہیں۔