بابر پور ضلع میں کانگریس کی جانب سے ایس آئی آر امدادی کیمپ کا افتتاح

نئی دہلی، 28 جولائی(میرا وطن نیوز )
پردیش کانگریس صدردیویندر یادو نے کہا کہ دہلی بھر میں کانگریس بی ایل اے-2 الیکشن کمیشن کے ایس آئی آر عمل کے مطابق ہر بوتھ پر درست ووٹوں کے اندراج میں لوگوں کی مدد کرنے کے لیے ہر ممکن مدد فراہم کر رہے ہیں۔ کانگریس کارکنان اور بی ایل اے-2 الیکشن کمیشن کے بی ایل او کے سا تھ رابطہ کر رہے ہیں تاکہ ووٹروں کی تفصیلات کی تصدیق اور ترمیم پر غیر جانبداری سے کام کیا جا سکے۔
انہوں نے منگل کو بابر پور ضلع میں ایس آئی آر کے عمل کو آسان بنانے اور دہلی کے شہریوں کی مدد کے لیے ایس آئی آر امدادی کیمپ کا افتتاح کیا۔تقریب میںبابر پور ضلع صدرراج کمار جین ،سابق ایم ایل اے عبدالرحمن اور حاجی اشراق خان، تمام بلاک صدور، بابر پور ضلع اور بلاک کانگریس کمیٹیوں کے عہد یداران اور پارٹی کارکنوں کی بڑی تعداد نے شرکت کی۔
ادھر دیویندر یادو نے کہا کہ 2026 کی پہلی مانسون بارش نے بی جے پی کی ریکھا گپتا سرکارکے تمام دعووں کے کھوکھلے پن کو بے نقاب کر دیا ہے۔ ابتدائی بارش نے پانی بھرنے کا پچھلے سال کا ریکارڈ توڑ دیا، جس سے تقریباً پورا دہلی شہر ڈوب گیا۔ جبکہ باہری علاقوں میں رہائشی کالونیوں میں پانی سڑکوں پر اور گھروں میں بہہ رہا ہے، نئی دہلی این ڈی ایم سی زون کی صورتحال — خاص طور پر کناٹ پلیس اور جن پتھ، جہاں پانی بھرنے سے بچنے کے لیے نئی پائپ لائنیں بچھائی گئی تھیں — سڑکوں سے دکانوں میں پانی داخل ہوتے دیکھا؛ یہ سرکارکے کام کے کلچر اور ارادوں کو بے نقاب کرتا ہے۔ انہوں نے کہاکہ آج کی بارش نے سرکار کی جانب سے 169 واٹرلاگنگ ہاٹ سپاٹ کی فہرست کے حوالے سے حقیقت کو بھی بے نقاب کر دیا ہے جن میں سے 34 مسائل کا شکار ہیں۔