Tasawwuf Advertisement 2024

قومی خبریں

خواتین

نئی دہلی سے سشما سوراج کی بیٹی بنسوری سوراج بی جے پی امیدوار

بنسوری نےدہلی بی جے پی کے قانونی شعبے کی شریک کنوینر کے طور پر سیاست میں قدم رکھاتھا

نئی دہلی :بی جے پی نے 195 پارلیمانی سیٹوں کے لیے مقرر کردہ امیدواروں کی جو فہرست جاری کی ہے اس کے مطابق وزیر اعظم نریندر مودی کو ایک بار پھر وارانسی سے انتخابی میدان میں اتارنے کا فیصلہ کیا گیا ہے۔ امت شاہ گاندھی نگر سے کھڑے ہوں گےجبکہ آنجہانی سشما سوراج کی بیٹی بنسوری سوراج کو نئی دہلی پارلیمانی سیٹ سے بنانے کا اعلان کیا گیا ہے۔پیشے کے اعتبار سے وکیل، بنسوری سوراج نے مارچ 2023 میں دہلی بی جے پی کے قانونی شعبے کی شریک کنوینر کے طور پر اپنی تقرری کے ساتھ سیاست میں قدم رکھاتھا۔
اس فہرست میں 34 مرکزی و ریاستی وزراء کے نام شامل کیے گئے ہیں۔بی جے پی قومی جنرل سکریٹری ونود تاؤڑے نے پریس کانفرنس کے دوران بتایا کہ اتر پردیش کی 51، مغربی بنگال کی 26، مدھیہ پردیش کی 24، گجرات کی 15، راجستھان کی 15، کیرالہ کی 12، تلنگانہ کی 9، آسام کی 11، جھارکھنڈ کی 11، چھتیس گڑھ کی 11، دہلی کی 5، جموں و کشمیر کی 2، اتراکھنڈ کی 3 اور اروناچل، گوا، تریپورہ، انڈمان و نکوبار، دمن و دیو کی ایک ایک سیٹ پر امیدوار طے کیے گئے ہیں۔

No Comments:

Leave a Reply

Your email address will not be published. Required fields are marked *