Tasawwuf Advertisement 2024

قومی خبریں

خواتین

فیما کی خلاف ورزی کے کیس میں مہوا موئترا 11مارچ کو دوبارہ طلب

بی جے پی رکن پارلیمنٹ نشی کانت دوبے نے قومی سلامتی کو خطرے میں ڈالنے کا الزام لگایا تھا

نئی دہلی: انفورسمنٹ ڈائریکٹوریٹ (ای ڈی) نے فارن ایکسچینج مینجمنٹ ایکٹ (فیما) کی خلاف ورزی سے متعلق ایک معاملے میں ترنمول کانگریس (ٹی ایم سی) لیڈر مہوا موئترا کو دوبارہ طلب کیا ہے۔ ای ڈی نے اس معاملے میں پوچھ گچھ کے لیے موئترا کو 11 مارچ کو بلایا ہے۔مرکزی تفتیشی ایجنسی نے پہلے فروری میں فیما کے تحت موئترا کو سمن جاری کیا تھا۔ دراصل، بی جے پی کے رکن پارلیمنٹ نشی کانت دوبے نے موئترا پر الزام لگایا تھا کہ انہوں نے تحائف اور رقم حاصل کر کے اڈانی گروپ معاملے میں وزیر اعظم نریندر مودی کی شبیہ کو خراب کرنے کے لیے تاجر درشن ہیرانندانی کی جانب سے لوک سبھا میں سوال اٹھائے۔
دوبے نے موئترا پر مالیاتی فائدے کے لیے قومی سلامتی کو خطرے میں ڈالنے کا الزام بھی لگایا ہے۔ تاہم، موئترا نے دعوی کیا ہے کہ انہیں نشانہ بنایا جا رہا ہے کیونکہ اس نے اڈانی گروپ کے سودے پر سوالات اٹھائے تھے۔اس معاملے میں مہوا موئترا کی پارلیمنٹ کی رکنیت بھی منسوخ کر دی گئی ہے۔ نشی کانت دوبے نے اس معاملے میں اسپیکر اوم برلا سے تحقیقات کا مطالبہ کیا تھا۔ ایتھکس کمیٹی نے ان الزامات کو درست مان لیا تھا اور پارلیمنٹ کی رکنیت منسوخ کرنے کی سفارش کی تھی۔

No Comments:

Leave a Reply

Your email address will not be published. Required fields are marked *