Tasawwuf Advertisement 2024

قومی خبریں

خواتین

سعودی عرب میں سمندری طوفان ابہاشہر کے ساحل سے ٹکرایا

کوئی نقصان نہیں لیکن شہریوں کوغیرضروری سفر سے گریزکرنے کی ہدایت

ریاض : سعودی عرب کے قومی موسمیاتی مرکزکے سرکاری ترجمان، حسین القحطانی نے ایکس پلیٹ فارم پر اپنے ایک پوسٹ میں کہا ہےکہ ابہا شہر میں موسم کی خرابی کے باعث سمندری طوفان شہر سے ٹکرا گیا،حالانکہ اس سے کسی قسم کا نقصان نہیں ہواہےلیکن شہریوں پر زور دیاگیا ہے کہ وہ موسم کے پیش نظر غیرضروری سفر سے گریز کریں۔القحطانی نے اس بات پر زور دیا کہ مرکز بارش کی صورت حال سے متاثرہ علاقوں میں دوسرے اداروں کے ساتھ مل کر کام کررہا ہے۔محکمہ موسمیات نے بری راستوں سے سفر کرنے والوں کو ہدایت کی ہے کہ وہ سفر کا ارادہ ملتوی کردیں۔غیر یقینی موسمی صورتحال کے باعث جدہ، مدینہ اور رابغ میں پیر کو سکول بند رہے۔
میڈیا کے مطابق محکمہ موسمیات کے ترجمان حسین القحطانی نے کہاہے کہ ’ملک کے مختلف علاقوں میں تیز ہوا کے ساتھ گرد وغبار کے طوفان کا امکان ہے۔علاوہ ازیں موسلادھار ، گرج چمک اور حد نگاہ تک گرد وغبار سے صورتحال شدید متاثر ہوسکتی ہے جبکہ یہ کیفیت کسی بھی وقت اچانک ہوسکتی ہے۔انہوں نے کہاہے کہ روڈ سیکیورٹی فورس سمیت محکمہ شہری دفاع اور ہلال احمر کے علاوہ تمام متعلقہ اداروں کو موسمی صورتحال سے ااگاہ کردیا گیا ہے‘۔واضح رہے کہ آج جدہ سمیت متعدد شہروں میں سکول بند رہے جبکہ امدادی اداروں میں ہنگامی حالت کی کیفیت دیکھی گئی۔موسم کی خرابی کے باعث عوام کو آمد ورفت میں شکلات کا سامنا کرنا پڑا۔ بعض علاقوں میں تجارتی سرگرمیاں بھی متاثر رہیں۔

No Comments:

Leave a Reply

Your email address will not be published. Required fields are marked *