Tasawwuf Advertisement 2024

قومی خبریں

خواتین

اجے ماکن آل انڈیا کانگریس کمیٹی کے نئے خزانچی مقرر

کھڑگے نے اب تک پارٹی کے خزانچی کے طور پر خدمات انجام دینے والے سینئر لیڈر پون کمار بنسل کے تعاون کی تعریف کی

نئی دہلی: انڈین نیشنل کانگریس کے صدر ملکارجن کھڑگے نے سینئر لیڈر اجے ماکن کو آل انڈیا کانگریس کمیٹی (اے آئی سی سی) کا نیا خزانچی مقرر کیا ہے۔ یہ معلومات دیتے ہوئے کانگریس کے جنرل سکریٹری کے سی وینوگوپال نے کہا کہ پارٹی صدر ملکارجن کھڑگے نے اجے ماکن سے کہا ہے کہ وہ فوری طور پر اپنا کام شروع کریں۔
انہوں نے کہا کہ پارٹی اور کھڑگے نے اب تک پارٹی کے خزانچی کے طور پر خدمات انجام دینے والے سینئر لیڈر پون کمار بنسل کے تعاون کی تعریف کی ہے۔ اجے ماکن سے پہلے سابق مرکزی وزیر پون کمار بنسل کانگریس کے خزانچی تھے۔ انہیں راجیہ سبھا کے رکن اور پارٹی کے سینئر لیڈر احمد پٹیل کے انتقال کے بعد اس عہدے پر مقرر کیا گیا تھا۔
خیال رہے کہ سینئر کانگریس لیڈر اجے ماکن اے آئی سی سی کے جنرل سکریٹری اور کانگریس ورکنگ کمیٹی (سی ڈبلیو سی) کے رکن ہیں۔ وہ اس سے قبل سابق وزیر اعظم منموہن سنگھ کی کابینہ میں اور دہلی کی سابق وزیر اعلیٰ شیلا دکشت کی کابینہ میں وزیر رہ چکے ہیں۔ وہ دو بار رکن پارلیمنٹ اور تین بار دہلی اسمبلی کے لیے منتخب ہوئے۔ ماکن دہلی پردیش کانگریس کمیٹی کے صدر بھی رہ چکے ہیں۔

No Comments:

Leave a Reply

Your email address will not be published. Required fields are marked *