ایودھیا میں مسجد کی تعمیر کاکام مئی میں شروع ہونے کی امید

نئی دہلی :ایودھیا کے دھنی پور گاؤں میں مسجد کی تعمیر کی ذمہ دار انڈو اسلامک کلچرل فاونڈیشن (ائی ائی سی ایف) کے چیف ٹرسٹی ظفر فاروقی نے کہاہےکہ مئی میں کام شروع کرنے کے لئے تیاریاں جاری ہیں۔فاروقی نے مزیدکہاکہ سنگ بنیاد کی ویب سائٹ کا کام جاری ہے لیکن فروری تک قابل ویب سائٹ استعمال ہوجائیگی۔جس کے بعد ویب سائٹ کو کیو آر کوڈس کے ذریعہ چند ہ جمع کرنے کے پلیٹ فارم کے طور پر استعمال کیاجائیگا۔فاروقی نے کہاکہ ”تعمیر میں تاخیر کی وجہہ نئے منصوبوں کی تیاری ہے‘ جس میں مسجد اور اس کے ساتھ اسپتال‘ لائبریری وغیرہ شامل ہیں۔ یہ جامع ڈیزائن فروری میں ایودھیاڈیولپمنٹ اتھاریٹی کو جمع کرائے جائیں گے جو اس پراجیکٹ کے ایک اہم قدم کی نشاندہی کرتے ہیں۔اس کے بعد مسجد کی تعمیر کااگلا قدم اٹھایاجائیگا۔ لیکن سنگ بنیاد کی تقریب مسجد کے لئے چند جمع ہونے اور مسجد کانقشہ پاس ہونے کے بعد ہی ممکن ہوسکے گا۔
ایودھیا کے دھنی پور میں مذکورہ مسجد 40000مربع فٹ پر پھیلی ہوئے منصوبے کے ساتھ تیار کی جارہی ہے جو پہلے تجویز کردہ 15,000مربع فٹ پر کافی بڑی ہے۔ابتدائی ڈیزائن روایتی ہندوستانی مسجد کے فن تعمیر سے متاثر ہوکر تیار کئے جانے کی وجہہ سے مسترد کردیا ہے‘ جس کے بعد ایک نیا ڈیزائن پر کام کیاجارہا ہے او رجو زیر تکمیل ہے۔اس کے بعد نظر ثانی شدہ ڈیزائن ضروری انتظامی منظوریوں سے گذرے گا۔ فاروقی نے نوٹ کیاکہ آئی ائی سی ایف کی تعمیراتی کمیٹی کے بعض ارکان نے اصل ڈیزائن میں تبدیلی کی وکالت کی جس کی وجہہ سے مسجد کے تعمیراتی منصوبوں کا ازسر نو جائزہ لیاگیا اور اس میں اضافہ ہوا۔آئی ائی سی ایف کے ترجمان اطہر حسین نے کہاکہ ”ہم چاہتے ہیں مسجد ہندو مسلم اتحاد کی علامت بنے