وزیر اعلیٰ نے 200 ای بسوں کو جھنڈی دکھا کر روانہ کیا

نئی دہلی، 17 اپریل(میرا وطن نیوز)
وزیر ا علیٰ ر یکھا گپتا نے جمعہ کو مشرقی ونود نگر میں واقع ڈی ٹی سی ڈپو سے 200 نئی الیکٹرک بسوں کو ہر ی جھنڈی دکھائی۔ اس موقع پردہلی-روہتک انٹر اسٹیٹ ای-بس سروس کا آغاز کیا گیا۔اس دوران مدن پور کھا در بس ٹر مینل کو عوام کے لیے وقف کیا گیا، اور ڈپو کی نئی تعمیر شدہ انتظامی عمارت کا بھی افتتاح کیا گیا۔انہوںنے کہا کہ ہماری سرکار راجدھانی کو آلودگی سے پاک بنانے کے لیے برقی نقل و حرکت کو تیزی سے فروغ دے رہی ہے۔ تقریب میں وزیرٹرانسپورٹ ڈاکٹر پنکج کمار سنگھ، متعلقہ محکموں کے سینئر افسران اور دیگر افرادنے شرکت کی۔
اس موقع پروزیر اعلیٰ نے کہا کہ دہلی سرکارکی طرف سے شروع کی گئی ہر پہل کے پیچھے مقصد شہریوں کو بہتر رابطہ، صاف ستھرا ماحول اور جدید ٹرانسپورٹ سہولیات فراہم کرنا ہے۔ انہوں نے کہا کہ آج ایک خاص دن ہے، کیونکہ چار اہم منصوبے بیک وقت عوام کے لیے وقف کیے گئے تھے۔ انہوں نے روشنی ڈالی کہ نئی بسوں میں بڑی تعداد ’دیوی‘ بسیں ہیں، جو دور دراز علاقوں اور تنگ گلیوں تک پہنچ کر عام شہر یوں کو ٹرانسپورٹ کی بہتر سہولیات فراہم کریں گی۔ اس دوران دہلی-روہتک بین ریاستی بس سروس کا آغاز علاقائی رابطہ کو مضبوط کرے گا۔
وزیر اعلیٰ نے مدن پور کھادر بس ٹرمینل کے افتتاح کو مسافروں کے لیے ایک اہم سہولت قرار دیا، جس سے ٹرانسپورٹ کی مزید منظم خدمات حاصل ہوں گی۔ انہوں نے مشرقی ونود نگر ڈپو میں نو تعمیر شدہ انتظا می عمارت کے افتتاح کا بھی ذکر کیا اور کہا کہ بہتر سہولیات ملازمین کی کارکردگی کو بڑھاتی ہیں۔ اس عما ر ت کو بائیو میٹرک سسٹم سے لیس کیا گیا ہے اور ہیلتھ چیک اپ کے انتظامات ہیں، اس بات کو یقینی بنا تے ہوئے کہ ڈرائیور محفوظ اور صحت مند حالت میں بسیں چلا سکیں، اس طرح حادثات کے امکانات کو کم کیا جائے۔
اس موقع پر ڈاکٹر پنکج کمار سنگھ نے کہا کہ آج کا دن دہلی کے ٹرانسپورٹیشن سیکٹر کے لیے ایک اہم دن ہے ۔ اس اضافے کے ساتھ راجدھانی میں بسوں کا کل بیڑا اب 6,300 سے تجاوز کر گیا ہے- جس میں 4,500 سے زیادہ الیکٹرک بسیں بھی شامل ہیں ۔ سرکار کا ہدف ہے کہ سال 2028-29 تک اس تعداد کو تقریباً 14ہزاربسوں تک بڑھایا جائے