بڑھتی ہوئی مہنگائی کے دوران نیشنل اکالی دل کا سوشل ونگ مستحق خاندانوں کی مدد کےلئے آگے آیا

نئی دہلی،20ستمبر (میرا وطن نیوز )
مغربی دہلی کے علاقے تلک نگر (سنت نگر) میں مستحق خاندانوں کی مدد کے لیے نیشنل اکالی دل کے سوشل ونگ کی قومی صدر راشمییت کور بندرا کی جانب سے ایک فلاحی پروگرام کا انعقاد کیا گیا۔ نیشنل اکالی دل کے قومی صدر، پرمجیت سنگھ پما نے اس تقریب میں بطور مہمان خصوصی شرکت کی اور ان خاندانوں کے بچوں میں راشن، سبزیوں اور چینی جیسی اشیائے ضروریہ تقسیم کیں۔
اس موقع پر پرمجیت سنگھ پما اور راشمییت کور بندرا نے کہا کہ بڑھتی ہوئی مہنگائی کی وجہ سے عام خاندانو ں کے لیے گھریلو اخراجات پورے کرنا مشکل ہوتا جا رہا ہے۔ خاص طور پر کم آمدنی والے خاندانوں کے لیے بچوں کی ضروریات پوری کرنا ایک بڑا چیلنج بن گیا ہے۔ ایسے وقت میں، صاحبِ حیثیت افراد اور سماجی تنظیموں کا فرض ہے کہ وہ ضرورت مندوں کی مدد کے لیے آگے آئیں۔
تقریب کے دوران، مستحق خاندانوں نے نیشنل اکالی دل کے قومی صدر پرمجیت سنگھ پما اور سوشل ونگ کی قومی صدر راشمییت کور بندرا کا شکریہ ادا کیا۔