دہلی سرکار خواتین اسٹارٹ اپس کو 10کروڑ تک کےبغیر ضمانتی قرض فراہم کرے گی:وزیر اعلیٰ

نئی دہلی، 17 مئی (میرا وطن نیوز )
وزیر اعلیٰ ریکھا گپتا نے کہا کہ دہلی سرکارراجدھانی کی خواتین کو خود انحصار، کاروباری اور اقتصادی طور پر بااختیار بنانے کے لیے بڑے پیمانے پر کام کر رہی ہے۔ اس مقصد کو آگے بڑھانے کے لیے سرکار نے خواتین کے سیلف ہیلپ گروپس (ایس ایچ جی) اور اسٹارٹ اپس کے لیے 10 کروڑ تک کے بغیر ضمانتی قرضوں کا انتظام کیا ہے — قرض جس کے لیے خود دہلی سرکار ضامن کے طور پر کام کرے گی ۔ وزیر اعلیٰ نے مزید اعلان کیا کہ دہلی سرکار اب دیسی مصنوعات کے لیے مالز اور بڑے شاپنگ کمپلیکس کے اندر باقاعدگی سے مناسب پلیٹ فارم مہیا کرے گی، اس طرح یہ یقینی بنائے گی کہ مقامی اشیا کو وسیع مارکیٹ تک رسائی حاصل ہو۔
وزیر اعلیٰ ریکھا گپتا ہفتہ کی شام شمال مغربی دہلی کے روہنی ویسٹ میٹرو اسٹیشن کے قریب یونٹی ون مال میں منعقدہ دو روزہ ’میگا سیلف ہیلپ گروپ (ایس ایچ جی) میلے-2026‘ کی افتتاحی تقریب سے خطاب کر رہی تھیں۔ انہوں نے نوٹ کیا کہ وزیر اعظم نے قوم کے سامنے ’سودیشی کو اپنانے‘، ’آتمنر بھر بھارت‘ اور ’ایک ضلع، ایک پروڈکٹ‘ کے وزن کو مسلسل آگے بڑھایا ہے۔ اسی فلسفے کی بنیاد پر یہ میلہ خواتین کی تیار کردہ دیسی مصنوعات کی حوصلہ افزائی کرنے اور ان کے لیے بازار میں روابط قائم کرنے کی ایک مضبوط کوشش کی نمائندگی کرتا ہے۔
اس موقع پر ایم پی یوگیندر چندولیا، ایم ایل اے کلونت رانا، شمال مغربی ضلع کے ڈی ایم سومیا سوربھ، ضلع انتظامیہ کے سینئر افسران، مختلف بینکنگ اداروں کے نمائندے، اور سیلف ہیلپ گروپس سے وابستہ خواتین کی ایک بڑی تعدادموجود تھی۔ میلے کا اہتمام شمال مغربی ضلع انتظامیہ نے کیا تھا۔اس میگا میلے میں تقریباً 24 سیلف ہیلپ گروپس نے حصہ لیا۔ تقریب میں دستکاری، کروشیٹ ورک، کھادی، گھریلو سامان، کھانے پینے کی اشیائ، اور ہاتھ سے بنی دیگر مختلف مصنوعات کی نمائش اور فرو خت شا مل تھی۔ ‘ایک ضلع، ایک پروڈکٹ’ اقدام کے تحت شمال مغربی ضلع سے دستکاری کو خصوصی اہمیت دی گئی۔