ملیساﺅٹی ،رومانیہ کے میئر نے ایم سی ڈی ہیڈ کوارٹر میں دہلی کے میئر سے کی ملاقات

نئی دہلی ،27فروری (میرا وطن)
ملیساﺅٹی ،رومانیہ کے میئرنے اپنی اہلیہ محترمہ کارارے کے ساتھ جمعہ کو دہلی کے میونسپل کارپوریشن کے ہیڈ کوارٹر میں دہلی کے میئر سردار راجہ اقبال سنگھ ملاقات کی۔ میٹنگ کا مقصد دہلی کے میونسپل گورننس کے نظام کی گہرائی سے سمجھ حاصل کرنا اور دونوں شہروں کے درمیان تعاون اور علم کے تبادلے کے امکانات تلاش کرنا تھا۔
وفد کا خیرمقدم کرتے ہوئے دہلی کے میئر سردار راجہ اقبال سنگھ نے معزز مہمانوں کی میزبانی پر مسرت کا اظہار کیا۔ انہوں نے کہا، ’یہ ہمارے لیے بڑے اعزاز کی بات ہے کہ آپ کو دہلی میں خوش آمدید کہتے ہیں- ایک ایسا شہر جو آپ کے خوبصورت شہر کی طرح تاریخ کے تسلسل اور جدید ترقی کے دل کی دھڑکن کی علامت ہے۔ کہا جاتا ہے کہ کچھ شہر زمین پر بنے ہیں، جبکہ کچھ کہانیوں پر بنائے گئے ہیں۔ آج ہمار ی کہانیاں آپس میں جڑی ہوئی ہیں۔
انہوں نے شہر کی قیادت کی مشترکہ ذمہ داریوں پر روشنی ڈالتے ہوئے کہا، ’بطور میئر، ہمارا ایک خاص رشتہ ہے۔ ہم روزمرہ کی زندگی کے معمار ہیں۔ جب کہ قومی رہنما معاہدوں اور سفارت کاری پر بات کرتے ہیں، ہم شہروں اور محلوں کے وقار کی بات کرتے ہیں۔انہوں نے کہا کہ اگرچہ رومانیہ اور ہند وستان ہزاروں میل کے فاصلے سے الگ ہیں لیکن وہ اپنے ورثے، استقامت اور اپنے شہریوں کے ناقابل تسخیر جذبے کی وجہ سے متحد ہیں۔
میئر کارارے نے دہلی کے میئر کو باضابطہ دعوت دی کہ وہ رومانیہ کا دورہ کریں تاکہ تعاون کو مزید مضبوط کیا جا سکے اور شہری پائیدار ترقی، تاریخی مراکز کے تحفظ اور شہری انتظامیہ میں سمارٹ ٹیکنالوجیز کے انضما م جیسے شعبوں میں باہمی سیکھنے کو فروغ دیا جا سکے۔میٹنگ میں میونسپل کمشنر سنجیو کھیروار، ایڈیشنل کمشنرز لیلا دھر میگھوال، سنجیو کمار متل، بی ایس جگلان اور ڈاکٹر ستیندر سنگھ درساوت؛ اسیسر اور کلکٹر محترمہ ممتا یادواور دیگر سینئر افسران نے شرکت کی۔
اس موقع پرایم سی ڈی کے افسروں نے کارپوریشن کے اہم کاموں پر تفصیلی پریزنٹیشن دی، جس میں شہر کی انتظامیہ، آن لائن بلڈنگ پلان اپروول سسٹم (او بی پی اے ایس )، فضلہ اکٹھا کرنا اور الگ کرنا، پراپرٹی ٹیکس کا انتظام، اور مختلف شہری مرکوز خدمات اور اقدامات شامل ہیں۔اس موقع پرمیونسپل کمشنر سنجیو کھیروار نے بھی اظہار خیال کیا ۔