وزیر اعلیٰ نے دہلی سکریٹریٹ میں فلم فیسٹیول کا افتتاح کیا

نئی دہلی، 25 فروری
وزیر اعلیٰ ریکھا گپتا نے بدھ کو دہلی سکریٹریٹ میں راجدھانی میں پہلی بار منعقد ہونے والے بین الاقوا می فلم فیسٹیول دہلی (آئی ایف ایف ڈی) 2026 کا افتتاح کیا۔ انہوںنے اسے دہلی کو عالمی ثقافتی اور سنیما مرکز کے طور پر قائم کرنے کا ایک تاریخی موقع قرار دیا۔ اس موقع پر کابینہ وزیر کپل مشرا بھی مو جو د تھے۔
اس موقع پر وزیر اعلیٰ نے کہا کہ یہ میلہ صرف فلموں کا جشن نہیں ہے بلکہ دہلی کی تخلیقی طاقت، ثقافتی ورثہ اور جدید سوچ کا جشن ہے۔ یہ ایک عوامی تہوار ہو گا جس میں ہر دہلی والے کی شرکت کو یقینی بنائے گا اور عالمی سنیما کو عام آدمی تک پہنچائے گا۔ مزید برآں، یہ مقامی فلم سازوں اور تکنیکی ماہرین کو ایک بین الا قوامی پلیٹ فارم اور قومی اور عالمی ٹیلنٹ کے ساتھ بات چیت کے مواقع فراہم کرے گا۔
انہوں نے بتایا کہ یہ شہر بھر میں فلم فیسٹیول 25 سے 31 مارچ تک منعقد ہونے والا ہے، بھارت منڈ پم سمیت نئی دہلی کے مختلف نامور مقامات پر منعقد کیا جائے گا۔ یہ تقریب دہلی کو فلمی سیاحت، ٹیلنٹ ڈیولپمنٹ، اے وی جی سی، تخلیقی صنعتوں اور روزگار پیدا کرنے کے نئے مواقع فراہم کرے گی۔ میلے میں 125 سے زیادہ ہندوستانی اور بین الاقوامی فلموں کی نمائش کی جائے گی۔