وزیر اعلیٰ ریکھا گپتا نے ‘سی ایم جن سنوائی پورٹل‘ کا آغاز کیا

نئی دہلی، 21 فروری(میرا وطن)
وزیر اعلیٰ ریکھا گپتانے ہفتہ کو دہلی سکریٹریٹ میں کئی اہم آئی ٹی پروجیکٹوں کا آغاز کیا۔ اس دوران انہو ںنے ’جن سنوائی پو ر ٹل اور موبائل ایپ، کامن سروس سینٹر ڈیجیٹل سروسز پورٹل کے ذریعے ای-ڈ سٹر کٹ سروسز، اور ای ڈبلیو ایس/ڈی جی/سی ڈبلیو ایس این داخلہ آن لائن پلیٹ فارم کی شروعات کی۔ انہوں نے کہا کہ ان کا مقصد سرکاری خدمات کو شفاف، قابل رسائی اور بدعنوانی سے پاک بنا کر دہلی کے شہریوں کو بااختیار بنانا ہے۔
اس موقع پر دہلی کے وزیر تعلیم آشیش سود، انفارمیشن اینڈ ٹیکنالوجی کے وزیر ڈاکٹر پنکج کمار سنگھ، سینئر افسرا ن اور دیگر لوگ موجود تھے۔ ان منصوبوں کا آغاز کرتے ہوئے وزیر اعلیٰ نے کہا، ’ہم ٹیکنالوجی کے ذر یعہ سرکار اور عوام کے درمیان فاصلہ کم کر رہے ہیں۔ آج شروع کیے گئے پورٹل اور ایپس صرف ڈیجیٹل پلیٹ فارم نہیں ہیں، بلکہ ’گڈ گورننس‘ اور ’سب کا ساتھ، سب کا وکاس‘ کے لیے ہمارے عزم کا ثبوت ہیں۔
وزیر اعلیٰ نے ‘سی ایم پبلک ہیئرنگ پورٹل اور ایپ’ کے بارے میں تفصیلی معلومات دیتے ہوئے وضا حت کی کہ یہ پورٹل ایک متحد پلیٹ فارم کے طور پر کام کرے گا۔ دہلی میونسپل کارپوریشن (ایم سی ڈی )، دہلی ڈیولپمنٹ اتھارٹی (ڈی ڈی اے)، دہلی پولیس، اور دہلی سرکار کے تمام محکموں سے متعلق شکایا ت اس ایک پلیٹ فارم پر درج کی جا سکتی ہیں۔ اس کی فعالیت کو انتہائی سادہ رکھا گیا ہے تاکہ عام شہری بغیر کسی تکنیکی مشکلات کے اپنے خیالات کا اظہار کر سکیں۔ شکایات، علاقوں اور محکمانہ افسروں کی میپنگ سسٹم کے اندر پہلے ہی کی جا چکی ہے۔