اسمبلی اسپیکر نے ڈی یو لٹریچر فیسٹیول میں کافی ٹیبل بک پر مشتمل بک اسٹال کا افتتاح کیا

نئی دہلی، 12 فروری(میری وطن)
’وٹل بھائی پٹیل نہ صرف مرکزی قانون ساز اسمبلی کی صدارت کرنے والے پہلے ہندوستانی تھے، بلکہ اس کے وقار اور آزادی کے محافظ بھی تھے۔ ’شتابدی یاترا: وٹھل بھائی کی گورو ساگا’ ان کی ہمت، آئینی وڑن، اور پارلیمانی خود مختاری کے لیے غیر متزلزل وابستگی کو خراج تحسین ہے۔ان خیالات کا اظہار د ہلی اسمبلی اسپیکر وجیندر گپتا نے جمعرات کو ڈی یو لٹریچر فیسٹیول کا افتتاح کرتے ہوئے کیا، جس کا اہتما م دہلی یونیورسٹی کے ذریعہ 12 سے 14 فروری تک کھیلوں کے ملٹی پرپز ہال میں کیا گیا تھا۔
اس دوران ودھان سبھا اسٹال پر طلبائ، فیکلٹی ممبران، اور زائرین کی ایک بڑی بھیڑ دیکھی گئی، جنہوں نے گہرے تجسس اور جوش و خروش کے ساتھ شرکت کی۔ بہت سے نوجوانوں نے وٹھل بھائی پٹیل کی زندگی، ان کی شراکت، پارلیمانی روایات کی ترقی، اور اس یادگاری کتاب کے پیچھے تحقیق سے متعلق فکر انگیز سوالات پوچھے۔ زائرین کی سہولت کے لیے ایک وقف کیو آرکوڈ دستیاب کرایا گیا جس کے ذریعہ کافی ٹیبل بک کی پری بکنگ کی جا رہی ہے، جس میں کافی دلچسپی ظاہر کی جا رہی ہے۔نوجوانوں کو ہندو ستا ن کے پارلیمانی ورثے سے جوڑنے کے لیے اسٹال پر ایک خصوصی ‘سیلفی پوائنٹ’ بھی بنایا گیا ہے، جو طلبہ کے درمیان ایک گرما گرم مقام بن گیا ہے