ریکھا سرکار ایم ایل ایز کے ہیلتھ چیک اپ کےلئے عوام کا پیسہ خرچ کر رہی ہے:دیوندر یادو

نئی دہلی، 3 فروری(میرا وطن )
پردیش کانگریس صدر دیویندر یادو نے کہا کہ دہلی میں بی جے پی کی قیادت والی ریکھا گپتا سرکار نے را جدھانی کے لوگوں کی صحت کے بارے میں فکر مند ہونے کے بجائے 2 سے 14 فروری تک پرمانند اسپتا ل میں 70 ایم ایل ایز کا میڈیکل چیک اپ کرانے کا فیصلہ کیا ہے، یہ فیصلہ اس کی غریب مخالف فطرت کو ظاہر کرتا ہے۔ ایم ایل اے کے طویل انتظار سے بچنے کے لیے، روزانہ صرف 5-6 ایم ایل اے کو چیک اپ کے لیے وقت دیا گیا ہے، جبکہ دہلی کے سرکاری اسپتالوں میں، غریب لوگوں کو صرف او پی ڈی کے لیے رجسٹریشن کے لیے لائن میں 3-4گھنٹے انتظار کرنا پڑتا ہے۔
ریاستی صدر نے کہا کہ ہمیں منتخب اراکین کے میڈیکل چیک اپ پر کوئی اعتراض نہیں ہے، دہلی سرکا ر کی بھی ذمہ داری ہے کہ وہ سرکاری اسپتالوں میں عام لوگوں کو صحت کی دیکھ بھال فراہم کرے، جس کام کو ریکھا سرکار اب تک حل کرنے میں ناکام رہی ہے۔انہوں نے کہا کہ دہلی کا صحت کی دیکھ بھال کا نظام مکمل طور پر تباہ ہوچکا ہے، اسپتالوں میں ڈاکٹر، ادویات، لیب ٹیسٹ اور دیگر ضروری سہولیات محض ایک رسمی ہے، جبکہ بڑے نجی اسپتال آیوشمان کارڈ سے منظور شدہ اسکیم میں حصہ لینے سے گریزاں ہیں۔