جشن یوم جمہوریہ کی خصوصی تقریب ،پروفیسر مشاتاق احمد راشٹر پتی بھون میں مدعو

نئی دہلی، 20 جنوری (میرا وطن)
آل انڈیا یونانی طبّی کانگریس کے قومی صدر پروفیسر مشتاق احمد کو جشن یوم جمہوریہ کی خصوصی تقریب کے موقع پر راشٹرپتی بھون میں مدعو کیے جانے پر طبی برادری میں خوشی کی لہر ہے۔ ان کو بحیثیت یونانی طبی برادری کے ممتاز سینئر سٹیزن کے طور پر مدعو کیا جانا یقینا ہم سب کے لیے باعث مسرت ہے۔ آل انڈیا یونانی طبّی کانگریس کے سکریٹری جنرل ڈاکٹر سید احمد خاں نے کہا کہ ہم اس موقع پر ایک پروقار تہنیتی تقریب منعقد کریں گے جس میں دہلی کی اہم طبی شخصیات بھی شامل ہوں گی۔
قابل ذکر ہے کہ پر وفیسر مشتاق احمد نہ صرف آل انڈیا یونانی طبّی کانگریس کے قومی صدر ہیں بلکہ سابق ڈائرکٹر ، سنٹرل انسٹی ٹیوٹ آف یونانی میڈیسن، (سی سی آریو ایم، حکومت ہند)، حیدرآباد اور سابق ہیڈ یونانی میڈ یسن چیئر، یونیورسٹی آف ویسٹرن کیپ، ساﺅتھ افریقہ بھی رہ چکے ہیں۔ ان کی طبی خدما ت ملک و بیرون ملک قابل ذکر ہیں۔