بی جے پی سڑکوں سے کچرا صاف کرنے میں ناکام ہو رہی ہے:انکش نارنگ

نئی دہلی، 5 جنوری (میرا وطن)
عام آدمی پارٹی نے کچرے کے پہاڑوں کو ختم کرنے کے نام پر کی جا رہی دھوکہ دہی کے لئے بی جے پی کی قیادت والی ایم سی ڈی پر سخت حملہ کیا ہے۔ آپ کے سینئر لیڈر اور ایم سی ڈی میں اپوزیشن لیڈر انکش نارنگ نے کہا کہ آلودگی اور ڈینگو کے بعد بی جے پی سرکاراب کچرے کے پہاڑوں کے اعداد و شمار کو بھی غلط ثابت کر رہی ہے۔ کچرے کے پہاڑ پر صرف خشک اور گیلا کچرا پھینکا جائے لیکن وہاں بھی ملبہ ڈالا جا رہا ہے۔ گلیوں کا کچرا سڑک پر پڑا رہتا ہے جبکہ میٹرو ویسٹ جیسی ایجنسیاں ملبہ اٹھا کر کچرے کے پہاڑ پر پھینک رہی ہیں۔ بی جے پی ممبران ملبہ تول کر ایم سی ڈی سے بھاری رقم بٹور رہے ہیں۔ یہ عوام کے ٹیکس کے پیسے کی خالص کرپشن ہے۔
سوک سینٹر میں ایم سی ڈی ہیڈکوارٹر میں پیر کو ایک پریس کانفرنس میںانکش نارنگ نے کہا کہ بی جے پی نے سب سے پہلے آلودگی سے متعلق فرضی اعداد و شمار کو چھپایا اور پیش کیا۔ اس کے بعد ڈینگی، ملیریا اور چکن گنیا کے کیسز کے اعداد و شمار کو بھی چھپایا گیا۔ اب کچرے کے پہاڑ پر جو ڈیٹا پیش کیا جا رہا ہے وہ بھی جعلی ہے۔انہوںنے کہا کہ بی جے پی کے وزراءکچرے کے پہاڑ پر جاتے ہیں اور کہتے ہیں کہ آپ کو جانا ہوگا۔ وہ یہ دکھانے کی کوشش کرتے ہیں کہ بی جے پی ،آپ کی سرکار سے زیادہ کچرا اکٹھا کر رہی ہے۔ سچ تو یہ ہے کہ کچرے کے پہاڑ پر صرف گیلا اور خشک کچرا ہی ڈالا جائے اور وہاں ملبہ ڈالنا منع ہے۔ اگر میٹرو ویسٹ جیسی کچرا اٹھانے والی ایجنسی ملبے کے بجائے سڑکوں سے کچرا اٹھاتی تو آج دہلی کی اتنی ابتر حالت نہ ہوتی۔ دہلی کی ہر گلی آج کچرے سے اٹی ہوئی ہے۔