خواتین ٹی ٹوینٹی عالمی کپ :ہندوستان اور پاکستان دونوں سیمی فائنل سے باہر

خواتین کےٹی ٹوینٹی عالمی کپ 2024 میں کل یعنی 14 اکتوبر کو ہندوستانی ٹیم کے لیے ایک بری خبر سامنے آئی۔ پاکستانی خواتین ٹیم کو نیوزی لینڈ کے خلاف عبرتناک شکست کا سامنا کرنا پڑا۔ اس نتیجے کے ساتھ ہی ہندوستانی ٹیم اور پاکستان دونوں سیمی فائنل کی دوڑ سے باہر ہو گئے ہیں۔
ہندوستانی ٹیم 8 سال بعد یعنی 2016 کے بعد پہلی بار گروپ مرحلے سے آگے نہیں بڑھ سکی ہے۔ خواتین ٹی ٹوئنٹی عالمی کپ کے گروپ اے سے آسٹریلیا کے بعد اب نیوزی لینڈ نے سیمی فائنل کے لیے کوالیفائی کر لیا ہے۔ گروپ اے میں بھارت، پاکستان اور سری لنکا بھی شامل تھے۔ اگر پاکستان جیت جاتا تو ہندوستانی ٹیم کے سیمی فائنل میں پہنچنے کے زیادہ امکانات تھے۔ لیکن اب یہ خواب ٹوٹ چکا ہے۔ دوسری جانب گروپ بی سے انگلینڈ، ویسٹ انڈیز اور جنوبی افریقہ اس وقت سیمی فائنل کی دوڑ میں ہیں۔
ہندوستانی ٹیم خواتین کے ٹی ٹوینٹی عالمی کپ 2024 کے گروپ مرحلے میں 4 میں سے صرف 2 میچ جیت سکی اور تیسرے نمبر پر رہی۔ اسے آسٹریلیا اور نیوزی لینڈ نے شکست دی جبکہ ہندوستانی ٹیم نے سری لنکا اور پاکستان کو شکست دی ۔
واضح رہےکہ گروپ اے کا آخری میچ پاکستان اور نیوزی لینڈ کے درمیان دبئی میں ہوا۔ اس میچ میں کیوی یعنی نیوزی لینڈ ٹیم نے 110 رنز بنائے تھے۔ جواب میں پاکستانی ٹیم 11.4 اوورز میں 56نیوزی لینڈ کے خلاف میچ میں پاکستانی ٹیم مکمل طور پر بکھر گئی۔ پاکستان کی جانب سے کپتان فاطمہ ثنا نے سب سے زیادہ 21 رنز بنائے۔ جبکہ منیبہ علی نے 15 رنز بنائے۔ ان کے علاوہ کوئی اور بلے باز ڈبل فگر کو نہیں چھو سکا۔
پاکستان کے چار کھلاڑی اپنا کھاتہ بھی نہ کھول سکے۔ نیوزی لینڈ کی جانب سے امیلیا کیر نے 14 رنز کے عوض 3 وکٹیں حاصل کیں۔ اس سے قبل نیوزی لینڈ نے سوزی بیٹس (28)، بروک ہالیڈے (22) اور کپتان سوفی ڈیوائن (19) کی اننگز کی بدولت 6 وکٹوں پر 110 رنز بنائے تھے۔ رنز تک سمٹ گئی۔ اس طرح کیوی ٹیم نے یہ میچ 54 رنز سے جیت لیا۔