دہلی کے تمام اسکول پیر سے کھل جائیں گے

نئی دہلی: دہلی-این سی آر کی ہوا میں آلودگی کی سطح میں معمولی بہتری آئی ہے۔ جس کے بعد کمیشن فار ایئر کوالٹی مینجمنٹ (سی کیو اے ایم) نے ہفتہ کو جی آر اے پی-4کی پابندیوں کو ہٹا دیا۔ تاہم، فی الحال جی آر اے پی-3 کے تحت تمام پابندیاں برقرار رہیں گی۔ بی ایس-3 اور 4 انجن والی گاڑیوں کو اب بھی مستثنیٰ نہیں ہے۔ وہیں دہلی میں تمام اسکول پیر یعنی 20 نومبر سے کھلیں گے۔
دہلی حکومت کے ڈائریکٹوریٹ آف ایجوکیشن کی طرف سے جاری کردہ حکم میں کہا گیا ہے کہ دہلی کے تمام سرکاری، سرکاری امداد یافتہ اور نجی اسکولوں میں پرائمری سے 12ویں تک کی کلاسیں پیر 20 نومبر سے دوبارہ شروع ہوں گی۔ تاہم اس حکم نامے جاری ہونے کے بعد اگلے ایک ہفتے تک بیرونی کھیلوں کی سرگرمیاں اور صبح کی اسمبلی کا انعقاد نہیں کیا جائے گا۔
دہلی-این سی آر کا ایئر کوالٹی انڈیکس (اے کیو آئی) 400 سے نیچے گرنے کے بعد، سی کیو اے ایم نے گروپ-4 کی پابندیوں کو ہٹا دیا ہے۔ تاہم جی آر اے پی-3 کے تحت نجی تعمیرات اور بی ایس-3/4 ڈیزل گاڑیوں پر پابندی برقرار رہے گی۔