نہرو پلیس کے بعد اب وسنت کنج پوسٹ آفس بھی ہوگیا ہے تبدیل

نئی دہلی، 25اگست (میرا وطن نیوز )
جنوبی دہلی کے پارلیمانی حلقے میں واقع وسنت کنج پوسٹ آفس کو عالمی معیار کی جدید سہولت میں تبدیل کر دیا گیا ہے۔ مرکزی وزیر برائے مواصلات جیوترادتیہ سندھیا نے پوسٹ آفس کا عملی طور پر افتتاح کیا ، جبکہ رکن پارلیمنٹ رام ویر سنگھ بدھوڑی نے وسنت کنج کے احاطے میں ربن کاٹ کر اسے عوام کے نام وقف کیا۔ انہوں نے کہا کہ یہ جنوبی دہلی کے حلقے کے لیے فخر کی بات ہے کہ دہلی میں پہلے دو جدید ڈا ک خانے کھولے گئے- ایک ملک گیر اقدام کے حصے کے طور پر- اسی علاقے میں واقع ہیں۔ اس سے پہلے نہرو پلیس پوسٹ آفس کو بھی جدید سہولت میں اپ گریڈ کیا گیا تھا۔
انہوں نے کہا کہ وسنت کنج پوسٹ آفس کی مکمل تزئین و آرائش کی گئی ہے۔ یہ اب ایک بڑا مرکز بن گیا ہے جو روایتی ڈاک کی سہولیات کے ساتھ ساتھ خدمات کی ایک وسیع رینج پیش کرتا ہے۔ ان میں بینکنگ خدمات، پوسٹل لائف انشورنس، ایک آدھار مرکز، اور مرکزی سرکا رکی مختلف اسکیموں تک رسا ئی شامل ہے۔ بدھوڑی نے اس جدید ترین پوسٹ آفس کے لیے وزیر اعظم نریندر مودی اور وزیر مواصلات جیوترادتیہ سندھیا کا شکریہ ادا کیا۔