دہلی میں اقلیتی کمیشن اور خواتین کمیشن کی چیئرپرسن کی تقرری

نئی دہلی، 26 جولائی (میرا وطن نیوز)
دہلی سرکارنے نرمل جین کو ریاستی اقلیتی کمیشن کا چیئرمین اور لتا گپتا کو ریاستی کمیشن برائے خواتین کی چیئر پرسن مقرر کیا ہے۔ یہ معلومات اتوار کو دہلی سرکار کے سوشل میڈیا اکاو ¿نٹ پر شیئر کی گئی ہیں۔دہلی سرکار نے نرمل جین کو دہلی اقلیتی کمیشن کا چیئرپرسن اور کلدیپ سنگھ اور محمد ہارون کو ممبر مقرر کیا ہے۔
وزیر اعلی ریکھا گپتا نے دہلی اقلیتی کمیشن کے نومنتخب چیئرمین اور رکن نرمل جین کو اپنی نیک خواہشات پیش کیں۔ انہوں نے کہا کہ ‘سب کا ساتھ، سب کا وکاس، سب کا وشواس، سب کا پریاس’ کے منتر کو مضبوط کرتے ہوئے آپ سب معاشرے کے تمام طبقوں کے حقوق، وقار اور فلاح و بہبود کے لیے لگن کے ساتھ کام کریں گے اور سماجی ہم آہنگی اور جامع ترقی کو نئی توانائی بخشیں گے۔
وزیر اعلی نے کہا کہ دہلی حکومت معاشرے کے تمام طبقوں کے حقوق، وقار اور فلاح و بہبود کے لیے پرعزم ہے۔ یہ تقرریاں معاشرے کے تمام طبقوں کے حقوق، وقار اور فلاح و بہبود کو مستحکم کرنے اور سماجی ہم آہنگی اور جامع ترقی کو آگے بڑھانے کی سمت میں ایک اہم قدم ہیں۔
دہلی سرکار نے لتا گپتا کو دہلی کمیشن برائے خواتین کی چیئرپرسن اور شیام بالا، مالتی ورما، لتا سودھی، سنرا کشکا شرما جھا اور رینو بھلا کو ممبر مقرر کیا ہے۔ اپنی نیک خواہشات کا اظہار کرتے ہوئے وزیر اعلی نے کہا کہ آپ سب دہلی سرکارکے ساتھ مل کر خواتین کی حفاظت، وقار، حقوق اور بااختیار بنانے کو ایک نئی سمت دیں گے اور ایک حساس، منصفانہ اور محفوظ دہلی کی تعمیر میں اہم کردار ادا کریں گے۔
وزیر اعلیٰ نے کہا کہ دہلی کمیشن برائے خواتین کو خواتین کی حفاظت، وقار، حقوق کے تحفظ اور انہیں بااختیا ر بنانے کو یقینی بنانے میں اہم کردار ادا کرنا ہے۔ یہ تقرریاں کمیشن کے کام کاج کو ایک نئی رفتار دیں گی اور خواتین کو انصاف، تحفظ اور مدد تک رسائی کو مزید موثر بنائیں گی۔