جامعہ ملیہ اسلامیہ کا انڈیا ٹوڈے درجہ بندی 2026میں شان دار مظاہرہ

فیکلٹی آف آرکی ٹیکچر کو پانچواں مقام حاصل ہوا ہے

نئی دہلی ،7جولائی (میرا وطن نیوز )
جامعہ ملیہ اسلامیہ نے ’انڈیا ٹوڈے رینکنگز 2026میں نمایاں مقام حاصل کیا ہے۔ یونیورسٹی کے شعبہ ’ٹورزم اینڈ ہاسپیٹلٹی مینجمنٹ’نے ‘ بیسٹ ویلیو فار منی ہوٹل مینجمنٹ کالجز’ زمرے میں ملک بھر میں پہلی پوزیشن اور ’بہترین ابھرتے ہوئے ہوٹل مینجمنٹ کالجز’ میں تیسری پوزیشن حاصل کی ہے۔ یونیورسٹی کی کامیابیوں میں مزید اضافہ کرتے ہوئے جامعہ کی ’فیکلٹی آف آرکیٹیکچر‘ نے ‘انڈیا ٹوڈ ے (ایم ڈی آر اے) بیسٹ کالجز رینکنگ دوہزار چھبیس میں آرکی ٹیکچر کے زمرے میں 5واں مقام حاصل کر کے ہندوستان کے ممتاز آرکیٹیکچر اداروں میں اپنی پوزیشن برقرار رکھی ہے۔
اس کامیابی پر فیکلٹی، طلبہ اور عملے کو مبارک باد دیتے ہوئے وائس چانسلرپروفیسر مظہر آصف اور رجسٹرار پروفیسر محمد مہتاب عالم رضوی نے کہا کہ یہ اعزاز تعلیمی فضیلت، صنعتی روابط، معیاری تعلیم اور پیشہ ورانہ شعبوں میں طلبہ کی ہمہ جہت ترقی کے لیے جامعہ کے غیر متزلزل عہد اور اس کے عزم کو اجاگر کرتا ہے۔
وائس چانسلر نے درجہ بندی کو جامعہ کے اعلیٰ تعلیم کے مخصوص شعبوں میں شاندار کارکردگی کے مسلسل حصول کا ثبوت قرار دیا۔ اس اعتماد کا اظہار کرتے ہوئے کہ سیاحت اور مہمان نوازی کا انتظام اور فیکلٹی آف آرکیٹیکچر دونوں نئی بلندیوں کو چھوتے رہیں گے۔ انھوں نے کہا کہ یہ درجہ بندی معیاری تعلیم اور صنعت پر مبنی تعلیم کے تئیں یونیورسٹی کی خصوصی توجہ کی تصدیق کرتی ہے۔
پروفیسر محمد مہتاب عالم رضوی نے اس کامیابی کو یونیورسٹی کے لیے انتہائی فخر کی بات قرار دیا اور جامعہ ملیہ اسلامیہ کی علمی ساکھ کو مستحکم کرنے کے لیے فیکلٹی، طلبہ، محققین، سابق طلبہ اور عملے کی اجتماعی کوششو ں او ران کی مخلصانہ کوششوں کو سراہا۔ انھوں نے کہا کہ ہر قومی اور بین الاقوامی درجہ بندی سے یونیورسٹی کے اس یقین کو تقویت ملتی ہے کہ اس کے طلبہ اور اساتذہ کی جانب سے تعلیمی فضیلت اور کاوشوں کو زیادہ کامیابی حاصل ہوتی ہے۔
وائس چانسلر پروفیسر مظہر آصف نے جامعہ کے انٹرنل کوالٹی ایشورنس سیل (آئی قیو اے سی) کو کا میابی میں اس کے رول کے لیے مبارک باد دی۔ انہوں نے پروفیسر پنکج کمار گپتا، ڈین، فیکلٹی آف مینجمنٹ اسٹڈیز، اور پروفیسر سارہ حسین، سربراہ، شعبہ ٹورزم اینڈ ہاسپیٹلیٹی منیجمنٹ، کو تعلیمی تحقیق، صنعت کے تعاون، انٹرن شپ، تقرری اور مہارت کی ترقی سمیت کلیدی معیارات میں شعبہ کی شاندار کارکردگی کے لیے مبارک باد دی۔
انہوں نے پروفیسر قمر ارشاد، ڈین، فیکلٹی آف آرکیٹیکچر اور پروفیسر طیبہ منور، سربراہ، شعبہ آرکیٹیکچر کو انڈیا ٹوڈے۔ ایم ڈی آر اے بہترین کالجز درجہ بندی دوہزار چھبیس میں فیکلٹی کی شاندار کارکردگی کے لیے مزید مبارک باد دی۔ درجہ بندی میں انٹیک کوالیٹی اور گورنینس، تعلیمی فضلیت، بنیادی ڈھانچہ، کیمپس کی زندگی،شخصی اور قائدانہ ترقی،کیئریئر کی ترقی اور تقرری نیز علمی ہستیوں اور صنعت کے ماہرین کے درمیان اس کے تئیں نظیرے کے معیارات کے تحت آرکی ٹیکچر کا جائزہ لیا جاتاہے
تازہ ترین درجہ بندی جامعہ کی تعلیمی فضیلت میں مزید بہتری، اختراع کو فروغ دینے اور اعلیٰ تعلیم کے ہندوستان کے سرکردہ اداروں میں اپنی پوزیشن کو مضبوط بنانے کے عزم کی توثیق کرتی ہے۔