دہلی کے تمام 5,633 اسکولو ں میں ایک جامع حفاظتی چیک لسٹ نافذ کی جارہی ہے

نئی دہلی، 6 جولائی(میرا وطن نیوز )
دہلی کے لیفٹیننٹ گورنر سردار ترنجیت سنگھ سندھو اور وزیر اعلیٰ ریکھا گپتا نے پیر کو لوک نواس میں ’بچوں کے تحفظ کے مہینے‘کے حصے کے طور پر نافذ کیے جانے والے مختلف پروگراموں، مہموں اور حفاظتی اقداما ت کے بارے میں اعلیٰ سطحی جائزہ لیا، جو پورے جولائی میں منایا جا رہا ہے۔ میٹنگ کے دوران، محکمہ تعلیم، دہلی پولیس، اور خواتین اور بچوں کی ترقی کے محکمے کی طرف سے بچوں کی حفاظت سے متعلق کئے جا رہے کاموں کا تفصیلی جائزہ لیا گیا، اور تمام محکموں کو ہدایات جاری کی گئیں کہ وہ اپنے کاموں کو مقررہ مدت کے اندر مو ¿ثر طریقے سے مکمل کریں۔
جائزہ میٹنگ میں دہلی کے چیف سکریٹری، پولس کمشنر، تعلیم کے سکریٹری، سکریٹری (خواتین اور بچوں کی ترقی)، ڈائریکٹوریٹ آف ایجوکیشن اور محکمہ خواتین اور بچوں کی ترقی کے ڈائریکٹرز، ڈی سی پی (ایس پی یو ڈبلیو اے سی ) اور مختلف محکموں کے سینئر افسران نے شرکت کی۔ محکمہ تعلیم نے ایل جی اور وزیر اعلیٰ کو مطلع کیا کہ نیشنل کمیشن فار پروٹیکشن آف چائلڈ رائٹس، دہلی کمیشن فار پروٹیکشن آف چائلڈ رائٹس اورکی ہدایات کے مطابق طلباءکی حفاظت کو یقینی بنانے کے لیے دہلی کے تمام 5,633 اسکولو ں میں ایک جامع حفاظتی چیک لسٹ نافذ کی جارہی ہے۔ ان میں دہلی کے 1,077 سرکاری اسکول، 198 سرکاری امداد یافتہ اسکول، ایم سی ڈی ، این ڈی ایم سی ، اور دہلی کنٹونمنٹ بورڈ کے زیر انتظام 2,612 اسکول اور 1,746 نجی اسکول شامل ہیں۔
اس موقع پر ایل جی سردار ترنجیت سنگھ سندھو اور وزیر اعلیٰ ریکھا گپتا نے ہدایت دی کہ تمام اسکولوں میں ماسٹر ٹرینرز اور دیگر ٹرینرز کی تربیت اور صلاحیت سازی جولائی کے مہینے میں مکمل کی جائے۔ انہوں نے طلباءکی حفاظت کی چیک لسٹ کے حوالے سے تعمیل کا سرٹیفکیٹ جمع کروانے کو بھی لازمی قرار دیا۔ تمام اسکولوں میں پوسکو کیسوں کو نمٹانے کے حوالے سے ایس او پی نافذ کی جائے ۔