دہلی میں پانی کے شدید بحران کو لے کر کانگریس اتری سڑکوں پر

نئی دہلی، 7 جون (میرا وطن نیوز )
دہلی میں پانی کی شدید قلت کے خلاف احتجاج کرتے ہوئے دہلی کانگریس کے صدردیویندر یادو کی قیا دت میں کانگریس کارکنوں نے ریاست بھر کے تمام بلاکس میں ’مٹکا پھوڑ‘ مظاہرے کئے۔ انہوں نے خود براڑی سمیت کئی بلاکس میں مٹکا پھوڑ کے احتجاج میں حصہ لیا۔اس موقع پر انہوں نے کہا کہ نہ تو د ہلی جل بورڈ اور نہ ہی بی جے پی سرکارپانی کے بحران کو حل کرنے کی کوئی کوشش کر رہی ہے۔
اس موقع پر دیویندر یادو نے کہا کہ بی جے پی سرکار غریب مخالف ہے۔ انہوں نے الزام لگایا کہ ان کا مقصد غریبوں کو مختلف مشکلات میں مبتلا کرکے دہلی سے زبردستی باہر نکالنا ہے جیسے کہ ان کے گھروں کو مسمار کرنا، انہیں اس شدید گرمی اور ہیٹ ویو کے دوران پینے کے پانی کے لیے بے چین چھوڑنا، اور بجلی کی مسلسل کٹوتیوں اور گندگی سے نشان زدہ حالات پیدا کرنا۔ انہوں نے کہا کہ اس طرح کی مشکلات شہر کے غریبوں کی بقا کو خطرہ بناتی ہیں، انہیں راجدھانی چھوڑنے پر مجبور کرتی ہے- یہ ایک ایسا اقدام ہے جو بی جے پی کے سیاسی ایجنڈے کا حصہ ہے۔
دیویندر یادو نے کہا کہ کانگریس کارکنان پانی کے بحران کے خلاف سڑکوں پر نکل کر احتجاج کریں گے او ر سرکار پر دباو ¿ ڈالیں گے کہ وہ غریبوں کی آبادی والے علاقوں میں پینے کے پانی کی فراہمی کا فوری انتظام کرے۔