دہلی میں تنظیم کو مضبوط کرنا کانگریس کے عہدیداروں کی ذمہ داری ہے: دیویندر یادو

نئی دہلی، 14 مئی(میرا وطن نیوز )
دہلی پردیش کانگریس کمیٹی کے دفتر راجیو بھون میں جمعرات کو ریاستی کانگریس کے نومنتخب نائب صدور اور جنرل سکریٹریز کی میٹنگ سے خطاب کرتے ہوئے ڈی پی سی سی کے صدر دیویندر یادو نے کہا کہ تمام عہدیداروں کو اپنی ذمہ داریوں کے ساتھ ساتھ جوابدہی بھی کرنی ہوگی۔ تب ہی پارٹی کو قومی راجدھانی کے اندر مضبوطی کی طرف لے جایا جا سکتا ہے۔
اس اہم میٹنگ میں موجود، نو مقرر کردہ عہدیداران- جن میں 12 نائب صدور اور 26 جنرل سکریٹریز شامل ہیں، نے ریاستی صدر دیویندر یادو اور پارٹی کی مرکزی قیادت سے انہیں اہم ذمہ داریاں سونپنے پر اظہار تشکر کیا۔ انہوں نے دارالحکومت کے اندر کانگریس پارٹی کو مضبوط کرنے کے لیے غیر متزلزل عزم اور عزم کے ساتھ مسلسل کوششیں جاری رکھنے کا عہد کیا۔
ریاستی صدر دیویندر یادو کے علاوہ میٹنگ کے اہم شرکاءمیں جنرل سکریٹری تنظیم انل بھاردواج،سابق ایم ایل اے بھیشم شرما، سریندر کمار، مدت اگروال، سی پی متل،جگجیون شرما؛ تسویر سولنکی؛ علی مہدی اور پریرنا سنگھ شامل تھے۔ اس موقع پرانل بھاردواج نے میٹنگ کی کارروائی شروع کرتے ہوئے کہ ریا ستی کانگریس صدر دیویندر یادو کی گزشتہ دو سالوں میں انتھک کوششوں نے پارٹی کو ایک مضبوط مقام تک پہنچایا ہے – ایک ایسی ترقی جو قومی راجدھانی کے اندر پارٹی کے امکانات پر دیرپا، طویل مدتی اثرات مرتب کرنے کے لیے تیار ہے۔