جنوبی دہلی پارلیمانی حلقے کے کئی علاقوں میں سیوریج کے مسائل حل کیے جائیں گے

نئی دہلی،15مارچ (میرا وطن نیوز )
جنوبی دہلی لوک سبھا سیٹ کے اندر تین اسمبلی حلقوں: بدر پور، چھتر پور، اور بجواسن میں سیوریج کے بنیا دی ڈھانچے کو اپ گریڈ کرنے کے لیے کروڑوں روپے کے پروجیکٹوں کو منظوری دی گئی ہے۔ خاص طو ر پر، بدر پور اسمبلی حلقہ کے لیے 236 کروڑ روپے، چھتر پور کے لیے 365.65 کروڑ، اور بجواسن کے لیے 216.07 کروڑ روپے مختص کیے جا رہے ہیں۔ ان اقدامات کے ذر یعہ ،جس میں خطے کے اندر سیوریج کے غیر مرکزیت کے علاج کے پلانٹس کی تعمیر شامل ہے ،سیوریج کی بندش کا دیرینہ مسئلہ حل ہونے والا ہے۔
اس سلسلے میں مقامی ممبر پارلیمنٹ رام ویر سنگھ بدھوڑی نے حلقہ کے لوگوں کی جانب سے وزیر اعلیٰ سے ملاقا ت کر ان کا شکریہ ادا کیا۔انہوںنے وزیرآبی اور پی ڈبلیو ڈی پرویش صاحب سنگھ ورما کا بھی ان کو ششو ں میں ان کے کردار کے لیے شکریہ ادا کیا۔ مزید برآں، انہوں نے مہرولی-بدر پور روڈ پر فلائی اوور اور انڈر پاسز کی تعمیر کے لیے 2ہزارکروڑ روپے کی منظوری کے لیے وزیر اعلیٰ کا شکریہ ادا کیا ،جس کا مقصد اسے سگنل فری بنانا تھا اور ساتھ ہی پانی نکاسی کے نظام کو بہتر بنانا تھا۔ انہوں نے ان سے مہرو لی بدر پور علاقے میں میٹرو کوریڈور کے لیے جاری تعمیراتی کام کو تیز کرنے کی بھی تاکید کی