Tasawwuf Advertisement 2024

قومی خبریں

خواتین

مسجد الحرام میں نماز تروایح کے دوران قرآن مکمل

پچیس لا کھ سے زائد فرزندان توحید کی موجودگی میں رقت انگیز دعاء کا اہتمام

ریاض :مسجد الحرام میں رمضان کی 29 ویں شب نماز تروایح کے دوران قرآن مکمل ہونے کے بعد ہوئی دعا ءمیں 25 لاکھ سے زیادہ فرزندان توحید نے شرکت کی۔میڈیا کے مطابق بڑی تعدادمیں لوگ صبح سے ہی مسجد الحرام پہنچنے لگے تھے۔ مسجد کے اندرونی اور بیرونی صحنوں کے علاوہ چھت اور اطراف کی سڑکیں زائرین سے بھر گئیں۔حرمین شریفین میں دینی امورکے سربراہ شیخ السدیس نے اس بابرکت رات مغفرت، جہنم کی آگ سے بچانے اور مملکت کو تمام برائیوں سے محفوظ رکھنے کی دعا کی۔دعا میں مظلوم فلسطینیوں کیلئے پر آنکھیں آشکبار ہوگئیں۔علاوہ ازیں مسجد نبویؐ میں بھی 29 ویں شب کو لاکھوں افراد نے نماز تراویح میں ختم قرآن اور دعا میں شرکت کی۔وہاں بھی مسجد کی چھتیں، صحن، راہداری، توسیعی مقامات پہلے ہی نمازیوں سے بھر گئے تھے۔ اطراف کی سڑکوں اور علاقوں میں بھی صفیں نمازیوں سے بھری تھیں۔مسجد نبویؐ کے امام شیخ صلاح البدیر نے تراویح کی نماز کی امامت کی اور اس بابرکت رات مسلمانوں کیلئے مغفرت، جہنم کی آگ سے بچانے مملکت کو تمام برائیوں سے محفوظ رکھنے کی دعا کی۔حرمین شریفین اتھارٹی نے متعلقہ اداروں کے تعاون سے زائرین کی سہولت اور ان کے تحفظ کیلئے تمام ضروری انتظامات کیے تھے۔رمضان المبارک کے آخری عشرے میں نمازیوں اور زائرین کو بہتر تجربہ فراہم کرنے اور عبادت کیلئے ساز گار ماحول فراہم کرنے کی منصوبہ بندی کی گئی تھی۔ مسجد الحرام اور مسجد نبویؐ جانے والے راستوں پر ٹریفک پولیس کے اہلکار موجود تھےجبکہ ہجوم کو کنٹرول کرنے کیلئے بھی خصوصی ٹاسک فورس کے دستے تعینات کیے گئے تاکہ لوگ منظم طریقے سے مسجد میں داخل ہو سکیں۔

No Comments:

Leave a Reply

Your email address will not be published. Required fields are marked *