سابق صدر اقلیتی مورچہ جمال صدیقی نے پارٹی قومی صدر نتن نبین سے کی ملاقات

نئی دہلی ،2ستمبر (میرا وطن نیوز )
بی جے پی اقلیتی مورچہ کے سابق صدر جمال صدیقی نے بدھ کو پارٹی کے ہیڈ کوارٹر میںقومی صدر نتن نبین سے ملاقات کی۔ انہوں نے ملاقات کے دوران وزیر اعظم نریندر مودی جی کی کال پر شروع کی گئی ’ایک پیڑما ںکے نام‘مہم کے حصے کے طور پر ایک پودا پیش کیا۔ انہوں نے انہیں ایک یادگاری نشا ن بھی پیش کیا جس میں شرڈی کے سائی بابا کی تصویر تھی۔ سائی بابا کا پیغام – ’سب کا ملک ایک‘ (سب کا رب ایک ہے) – ہم آہنگی، خدمت اور انسانیت کی ترغیب دیتا ہے۔
اس موقع پر جمال صدیقی نے قومی صدر نتن نبین کو یقین دہانی کرائی ، میں پارٹی اور قوم کی خدمت کے اپنے عہد کو اٹل لگن کے ساتھ پورا کرنے کے لیے پابند عہد ہوں۔گزشتہ دنوں بی جے پی ہیڈکوارٹر میں موجودہ اور سبکدوش ہونے والے قومی عہدیداروں کی میٹنگ میں، میں اس وقت بہت متاثر ہوا جب قومی صدر نتن نبین نے بی جے پی اقلیتی مورچہ کے قومی صدر کے طور پر میرے چھ سالہ دور اور تنظیم کے لیے میری خدمات کے اعتراف میں مجھے اعزاز سے نوازا۔چھ سال پر محیط یہ باب اپنے اختتام کو پہنچ چکا ہے لیکن خدمت اور تنظیم کے لیے میرے عزم کا سفر جاری ہے۔
جمال صدیقی نے کہا کہ یہ پارٹی کے لاکھوں کارکنوں، عہدیداروں اور ساتھیوں کی محنت کو خراج تحسین ہے جنہوں نے میرے ساتھ کندھے سے کندھا ملا کر کھڑا کیا اور ہر حال میں تنظیم کے لیے کام کیا۔ان چھ سالوں میں، اقلیتی مورچہ نے متعدد اختراعی، عوام پر مبنی مہمات شروع کیں۔ مقصد محض تقریبات کا انعقاد نہیں تھا بلکہ بات چیت کو فروغ دینا اور معاشرے کے آخری فرد کے ساتھ اعتماد پیدا کرنا تھا۔ان پروگراموں میں مودی متر، صوفی سمواد، سوگات مودی، پسماندہ ا سنیہ سمواد، شکریہ مودی، ڈاکٹر اے پی جے عبدالکلام اسٹارٹ اپ یوتھ ایوارڈاور میٹ ،گریٹ اور لسن شامل ہیں ۔