طلباءکی حفاظت ، تعلیم سے متعلق معاملات، طویل عرصے سے زیر التواءشکایات کو ترجیحی دی جائے

نئی دہلی، 2 ستمبر(میرا وطن نیوز)
وزیر اعلی ریکھا گپتا نے بدھ کے روز مکھیہ منتری جن سیوا سدن میں منعقدہ عوامی سماعت کے دوران دہلی کے مختلف حصوں کے شہریوں کے ساتھ براہ راست بات چیت کی۔ انہوں نے ایک ایک کر کے شہریوں کے مسائل اور شکایات سنیں اور متعلقہ حکام کو ہدایت کی کہ وہ معاملات کی سنگینی کے مطابق ضروری کارروائی اور مقررہ وقت پر حل کو یقینی بنائیں۔
وزیر اعلی نے کہا کہ سرکارکے دروازے عوام کے لیے ہمیشہ کھلے رہنے چاہئیں۔ شہریوں کو اپنے مسائل کے ساتھ براہ راست سرکار سے رجوع کرنا چاہیے، انہیں سنجیدگی کے ساتھ سننا چاہیے اور انہیں حل کے لیے غیر ضروری طور پر دفاتر نہیں جانا چاہیے، یہ موجودہ دہلی سرکار کا ورک کلچر ہے۔
عوامی سماعت کے دوران تعلیم، زیر التواءانعامی رقم، پانی جمع ہونا، سیوریج، بجلی کی حفاظت، صفائی ستھر ا ئی، غیر قانونی تعمیرات اور کنکشن سمیت مختلف مسائل وزیر اعلی کے سامنے رکھے گئے۔ انہوں نے تمام معاملات کو صبر کے ساتھ سنا اور متعلقہ حکام کو تحقیقات، ضروری کارروائی اور مقررہ وقت کے اندر حل کو یقینی بنانے کی ہدایت کی۔ انہوں نے حساسیت کے ساتھ کام کرنے کی ضرورت پر زور دیا، خاص طور پر طلباءکی حفاظت اور تعلیم سے متعلق معاملات میں اور طویل عرصے سے زیر التواءشکایات کو ترجیحی بنیا د وں پر حل کرنے کی ضرورت پر زور دیا۔
عوامی سماعت میں کچھ شہریوں نے یہ بھی بتایا کہ وہ ماضی میں متعلقہ محکموں کو شکایات دے چکے ہیں لیکن طویل عرصے کے باوجود کوئی حل نہیں نکلا۔ وزیر اعلی نے افسران کو واضح ہدایات دیں کہ وہ طویل عرصے سے زیر التواء شکایات کا ترجیحی بنیادوں پر جائزہ لیں اور انتظامی سطح پر جہاں بھی کارروائی کی ضرورت ہو اسے آگے بڑھائیں۔ انہوں نے کہا کہ عوامی سماعت کا مقصد صرف شہریوں کی شکایات سننا نہیں ہے، بلکہ شکایات کو حل کرنا ہے۔