بھاجپا کی ’ٹرپل انجن‘ سرکارکی نااہلی اور بدعنوانی کے سبب دہلی ’حادثات کی راجدھانی‘بن گئی

نئی دہلی، 5 جون(میرا وطن نیوز)
پردیش کانگریس صدر دیویندر یادو نے کہا کہ سرکار کی بدعنوانی اور ناکامی کی وجہ سے راجدھانی میں روزا نہ لوگ اپنی جانیں گنوا رہے ہیں۔ لودھی کالونی میں آج کا واقعہ جہاں لودھی ہوٹل کے قریب سیوریج پائپ لائن کی کھدائی کے کام کے دوران دیوار گرنے سے دیویندر نامی 55 سالہ مزدور کی موت ہو گئی اور دو دیگر شدید زخمی ہو گئے حکومت کی نااہلی کو بے نقاب کرتا ہے۔ انہوں نے کہا کہ مالویہ نگر میں ایک غیر قانونی طور پر چلنے والے ہوٹل میں تباہ کن آگ اور ساکیت میٹرو اسٹیشن کے قریب سیدالجب میں عمارت کے گرنے جیسے سانحات کے بعد دہلی مو ¿ثر طریقے سے ‘حادثات کی راجدھانی’ بن گیا ہے، جس میں 27 معصوم لوگوں کی جانیں گئیں۔
اس موقع پردیویندر یادو نے کہا کہ جب کہ دہلی کے عوام اکثر حادثے کی جگہوں پر امدادی کارروائیاں شروع کرتے ہیں اس سے پہلے کہ سرکاری ٹیمیں – جیسے دہلی فائر سروس، دہلی پولیس، اور پی سی آر وین – راحت فراہم کرنے اور حالات پر قابو پانے کے لیے پہنچ سکتی ہیں، متعلقہ وزراءاور محکمے محض اپنے آپ کو ذمہ داری سے بری کرنے کے لیے تحریکیں چلاتے ہیں۔وزیر اعلیٰ نے مالویہ نگر جائے وقوعہ کا دورہ کرنے کی زحمت تک نہیں کی۔ انہوںنے کہا کہ دہلی میں حادثات کی بڑھتی ہوئی تعداد دہلی سرکار، ایم سی ڈی، ڈ ی ڈی اے،این ڈی ایم سی، دہلی فائر سروس، اور دیگر ایجنسیوں کی ناکامیوں کو بے نقا ب کرتی ہے۔